UNTV News and Rescue

Nalagay sa peligro ang isang babaeng bumbero matapos siyang tagain habang rumeresponde sa sunog sa bayan ng Barcelona, Sorsogon.
Agad namang nahuli ng mga awtoridad ang suspek na nahaharap ngayon sa patong-patong na kaso.

‍

Pinangangambahang marami ang nasawi sa pag-atake ng Russia sa isang historical building sa Ukraine.

Kasunod ng matinding pag-atake, nagbabala si Ukrainian President Volodymyr Zelenskyy na muling nagre-recruit ang Russia ng mga bagong sundalo, kabilang ang mga foreigner.

Ayon pa sa kanya, libo-libong sundalo mula North Korea ang nakatakdang dumating upang magsanay bilang dagdag sa kanilang pwersa.

Pinalaya ng British government ang 5 indibidwal na inaresto kaugnay ng hinihinalang bomb plot sa US military base sa RAF Fairford nitong Lunes.
Ayon kina US President Donald Trump at Secretary Marco Rubio, may seryosong banta sa seguridad kung hindi naaresto ang mga ito.

Gayunman, sinabi ng UK authorities na walang nakitang pampasabog o anumang materyales sa paggawa nito sa mga sasakyan ng mga suspek.

‍

Marami umanong bagong ilalahad si dating Senador Antonio Trillanes IV sa pag-upo niya sa witness stand sa impeachment trial bukas.

Kanina, dumalo ang dating senador sa pagdinig upang aniya’y obserbahan ang takbo ng paglilitis.

‍

Kinumpirma ni Davao City Mayor Sebastian ‘Baste’ Duterte ang malapit na ugnayan ng pamilya Duterte sa negosyanteng si Jaime T. Cruz.
Si Cruz ay sinasabing kapwa stockholder ni Vice President Sara Duterte sa isang kumpanyang idineklara sa kanyang Statement of Assets, Liabilities and Net Worth (SALN).