Sasampahan ng kaso ng PNP-Internal Affairs Service o IAS ang mga pulis na ilegal na nagbabantay ng mga pulitiko ngayong panahon ng halalan. Ayon sa IAS bawal magbantay ng pulitiko ang mga pulis kung wala itong pahintulot ng Commission on Elections o COMELEC at maari silang matanggal sa serbisyo dahil dito.  

Isinusulong ng election fraud accuser at senatorial candidate na si Atty. Glenn Chong ang pagpapatupad ng reporma sa Commission on Elections at sa Automated Election System na ginagamit sa bansa.  

Hindi pa rin tinatanggal sa 2019 proposed budget ang mga umano’y pork barrel na isiningit ng mga mambabatas. Ayon ito kay Senator Panfilo Lacson, wala ring nangyari sa kanyang pakikipagtalo na alisin ito dahil nag-iisa lamang ang kanyang boto.  

Kinwestyon ng isang eksperto kung bakit nagkakaroon pa rin ng malalaking banta sa seguridad sa bansa sa kabila ng umano’y militarisasyon sa pamahalaan.

Hindi na itutuloy ni dating Presidential Spokesperson Harry Roque ang kandidatura sa pagka-senador. Ayon kay Roque, kamakailan ay sumailalim siya sa operasyon sa puso at hindi kakayanin ng kaniyang katawan na ituloy ang ituloy ang pagtakbo sa halalan.  

Nangangamba ang mga kongresistang miyembro ng Makabayan Bloc na baka gawing dahilan ng pamahalaan ang insidente ng pagpapasabog sa Jolo, Sulu upang magdeklara ng batas militar sa buong bansa. Lalo’t kasalukuyang tinatalakay sa Kamara ang panukalang pag-amyenda sa Human Security Act.

Ipinagtanggol ni dating Commissioner Heidi Mendoza ang mga auditor ng Commission on Audit sa muling pagtuligsa ni Pangulong Rodrigo Duterte. Ayon kay Mendoza, hindi kailanman ginusto ng COA na manghimasok o pabagalin ang mga transaksyon ng pamahalaan.  

Naniniwala ang isang election lawyer na lalakas ang tiyansa ni dating Senador Bong Revilla na muling makabalik sa Senado matapos ma-abswelto sa kasong plunder. Ayon sa abugado hindi rin makakaapekto sa senatorial bid nito ang kinakaharap na kasong graft and corruption.

Dehado umano ang Pilipinas sa planong Philippine-China joint exploration sa West Philippine Sea ayon sa ilang miyembro ng oposisyon. Hati naman ang pananaw ng mga senador sa kasunduang ito na pinasok ng Pilipinas at China kaya panawagan ng mga mambabatas dapat isapubliko ang laman ng kasunduan.

Pinuna ng Department of Public Works and Highways at Department of Transportation ang naging basehan ni Senator Leila de Lima para paimbestigahan sa Senado ang dalawang Build Build Build project ng pamahalaan.   Batay sa ulat, nangangamba ang senador na baka mawalan ng tirahan ang isang daan at walumpung libong pamilya sa Metro Manila dahil […]