Maari pa ring ituloy ng Senado ang impeachment trial kahit paboran ng Korte Suprema ang quo warranto case laban kay Chief Justice Maria Lourdes Sereno. Ayon sa liderato ng Senado posibleng pagbotohan rin ng mga senator judges kung kikilalanin nila ang pagpapaalis sa pwesto sa Punong Mahistrado sa pamamagitan ng quo warranto.

Ilalabas ng Philippine Drug Enforcement Agency ang listahan ng mga Barangay at Sangguniang Kabataan officials na sangkot sa illegal drug trade. Ito ay batay na rin sa direktiba ni Pangulong Rodrigo Duterte.

Magsisimula na ngayong Huwebes ang anim na buwang Boracay closure.

Dumipensa ang ilang Grab drivers laban sa mga reklamo ng ilang pasahero sa kanilang serbisyo. Tutol rin ang mga ito sa ipatutupad na masking of destination ng Grab Philippines.

Inaasahang papatok bilang alternatibong pagkakakitaan ng mga taga-Tondo, Maynila ang paggawa ng papel gamit ang balat ng bawang. Para sa mga residente, malaki rin ang maitutulong nito para mabawasan ang mga basurang itinatapon sa Manila Bay.

May alok na scholarship program ang Government Service Insurance System sa mga miyembro nito. Ngayong taon tatanggap ng apat na raang scholar ang GSIS na makatatanggap ng 40 thousand pesos para sa tuition at pambayad sa miscellaneous fees.

Sisirain ng Department of Agriculture ang mga nasabat sa sibuyas sa pier sa Maynila nitong Lunes. Samantala, tinangka umanong suhulan ang isang opisyal ng DA para palusutin ang naturang kargamento.

Ilalabas ng Malacañang ang proklamasyon na magdedeklara ng state of calamity sa Boracay Island bago magsimula ang pagpapasara sa isla sa Huwebes. Pero nitong Martes, nagsagawa na ng dry run ang mga awtoridad kaugnay paglabas masok ng mga tao sa isla kapag ipinatupad na ang six-month Boracay closure.

Mahigit labing anim na OPM artist ang makikiisa sa Earth Day Jam ngayong taon, layunin nito na hikayatin ang ating mga kababayan na magmalasakit sa kalikasan sa pamamagitan ng musika.

Tinulungan ng UNTV News and Rescue team ang lalaking biktima ng vehicular accident sa Zamboanga City nitong Lunes ng umaga.