Target ng defending champion Senate Defenders na maiatala ang ikatlong sunod na panalo sa kanilang magaganap na sagupaan ng DOJ Justice Boosters sa Linggo. Hangad naman ng PITC Global Traders na makuha ang kanilang unang panalo sa elimination round ng UNTV Cup Season 7, kaya puspusan ang kanilang ginagawang paghahanda laban sa AFP Cavaliers.

Nangunguna na sa Group B ng UNTV Cup Season 7 ang NHA Builders matapos talunin ang DA Food Masters. Nakuha naman ng PNP Responders ang kanilang ikalawang talo sa liga matapos silang pataubin ng AFP Cavaliers sa score na 92 – 82.  

Naitala ng DOJ Justice Boosters ang kanilang unang panalo sa UNTV Cup Season 7 matapos talunin ang GSIS Furies. Samantala kasama na ng NHA Builders sa unang pwesto sa Group B ang DA Food Masters at Malacañang-PSC Kamao matapos manalo ang dalawang koponan sa kanilang laban noong Linggo.

  Nangunguna na sa Group A ng UNTV Cup Season 7 ang defending champion Senate Defenders habang ang NHA  Builders naman sa Group B. Kapwa may two zero win-loss record ang Defenders at Builders matapos magwagi sa kanilang mga laro noong Linggo.  

Target ng NHA Builders na makuha ang ikalawang sunod na panalo sa elimination round ng UNTV Cup Season 7. Subalit haharangin ito ng Philhealth Plus na determinadong makuha ang kanilang unang panalo sa Liga ng Public Servants.

Nakuha ng Malacañang-PSC Kamao at AFP Cavaliers ang kanilang unang panalo sa UNTV Cup Season 7. Tinalo naman ng NHA Builders ang two-time champion na Judiciary Magis sa isang dikitang laban noong Linggo.

Masusubukan ng Malacañang team ang performance sa hardcourt ng dalawang bagong bigman player nito sa kanilang laban sa Ombudsman Graft Busters. Tatapatan naman ng Judiciary Magis ang run and gun tactics ng NHA Builders sa pagpapatuloy ng first round eleminations ng UNTV Cup Season 7 sa Pasig City Sports Center sa Linggo.

Bigo ang season 5 champion PNP Responders na makuha ang kanilang unang panalo sa UNTV Cup Season 7 matapos talunin ng GSIS Furies sa isang close match nitong Linggo. Tinalo naman Department of Agriculture Food Masters ang nagbabalik UNTV Cup na Philhealth Plus.

Bigo man maidepensa ang kanilang titulo noong nakaraang season nangako ang PNP Responders na babawi ngayong season 7 ng UNTV Cup. Isa sa pinaghuhugutan ng inspirasyon ng koponan ay ang nakuhang championship title ng team PNP sa nakaraang UNTV Cup Executive Face-off.

Nagsimula na nitong Lunes ang season seven ng UNTV Cup. Aminado ang mga kalahok na koponan na hindi biro ang magiging laban ng labindalawang koponan na kalahok sa liga ng public servants.