Pag-regulate ng LTFRB sa mga online transportation service, pinasusupinde ng Lower House

admin   •   May 20, 2015   •   2904

FILE PHOTO: UBER taxi (REUTERS / KAI PFAFFENBACH)

QUEZON CITY, Philippines — Hindi na muna makakapag-operate ng legal ang mga online enabled transportation service gaya ng UBER at Grab taxi dahil pinasususpinde ng House of Representatives ang department order ng Department of Transportation and Communications na ma-regulate ang mga ito.

Ayon sa House Committee on Transportation, kailangan ng mas malalim na pag-aaral bago mai-konsidera na public utility vehicle ang mga online transport service.

Tumutol ang mga taxi operator sa kautusan ng LTFRB na ma-regulate ang mga online transport service dahil hindi anila patas ang kompetisyon.

Nakakapag-operate ang mga ito na hindi man lamang kumukuha ng prangkisa sa LTFRB hindi gaya ng mga regular na taxi.

Nakakapagtakda rin sila ng sarili nilang halaga ng pasahe habang kontrolado ng LTFRB ang pasahe sa taxi.

Pahayag ni Atty. Joseph Vincent Go ng Philippines National Taxi Operators Association, “Ang justification ni DOTC, there is a demand yun ang sinasabi. If there is a demand, bakit hindi mo buksan ang franchise ng taxi? Yun ang kwestyon namin eh.”

Tumutol rin ang mga commuter group at sinabing delikado ang sumakay sa mga online transport service lalo na at walang insurance ang mga pasahero sa pagsakay dito.

Pahayag naman ni Elvira Medina ng National Center for Commuters Safety and Protection, “Kung may mangyari huwag naman sana ipahintulot ng Dios na magka-aksidente ang nalakalagay sa service contract ay hindi mo pwede habulin ang Uber.”

Nakahanda namang sumunod sa anumang ipag-uutos ng kamara ang mga operator ng online transport service.

Pahayag naman ni Natasha Bautista ng Grab Taxi, “We will comply weve always been compliant with the government if they say suspend, suspend but well wait for further instructions.”

Subalit nanindigan ang LTFRB na mabigyan ng prangkisa at maihanay bilang public utility vehicle ang mga online transport service.

Ayon kay LTFRB Chairman Atty. Winston Ginez, “Kami sa LTFRB maliwanag na ang mga transport network vehicle service ay mga sasakyan na magiging pampubliko kaya hindi na sila magiging private vehicles pag ito ay ginamit… mag a-apply at dadaan sila sa same process ng LTFRB bago mabigyan ng certificate of public convenience.”

Binigyan ng isang linggo ng kamara ang mga taxi operator at ibang stakeholders upang makapag sumite ng position paper upang madesisyunan ang pag-regulate sa mga online transport service. (MON JOCSON / UNTV News)

70% PUV passenger capacity, papayagan na sa NCR, karatig-probinsiya simula Dec. 9 – LTFRB

Robie de Guzman   •   December 8, 2021

MANILA, Philippines – Ipatutupad na ng Land Transportation Franchising and Regulatory Board (LTFRB) ang ilang pagbabago sa passenger capacity load sa public utility vehicles (PUV) simula sa Huwebes, Disyembre 9.

Ayon sa LTFRB, ang mga pagbabago ay alinsunod sa alituntuning inilabas ng Inter-Agency Task Force for the Management of Emerging Infectious Diseases (IATF-MEID).

Batay sa LTFRB Memorandum Circular No. 2021-076, nasa 70% na ang papayagang passenger capacity load sa mga PUV sa National Capital Region (NCR) at mga probinsiyang kasama sa Metro Manila Urban Transportation Integration Study (MMUTIS) Update and Capacity Enhancement Project (MUCEP).

Ang mga probinsiyang ito ay kinabibilangan ng Bulacan, Cavite, Laguna, at Rizal.

Para naman sa mga rehiyon na 50% passenger capacity load ang ipinaiiral sa mga PUV ngunit mayroon ng 30% Vaccination Rate ngayong Disyembre, sinabi ng LTFRB na maaari na ring iakyat sa 70% ang kanilang passenger capacity load.

“Sa mga rehiyon na maaari nang maipatupad ang 70% passenger capacity load ngunit hindi pa nakukumpirma ang 30% Vaccination Rate, kailangan magsumite ng Regional Franchising and Regulatory Board (RFRO) ng Memorandum to the Board kasama ang Certification of Vaccination Rate na manggagaling sa Regional IATF o Department of Health (DOH) Regional Office,” ayon sa ahensiya.

Para sa mga inter-regional routes, susundin ang mga sumusunod na alituntunin patungkol sa Passenger Capacity:

  • Mga PUV na bibiyahe papuntang Metro Manila, susundin ang passenger capacity ng rehiyon na pinanggalingan ng PUV
  • Sa mga PUV na bibiyahe mula Metro Manila, susundin ang passenger capacity ng rehiyon na end point ng biyahe
  • Sa mga inter-regional routes na hindi dadaan ng Metro Manila, susundin ang rehiyon na may mas mababang passenger capacity.

Paalala ng LTFRB sa transport operators na sundin ang mga patakaran ng ahensya.

Ang mga mahuhuling lalabag ay papatawan ng kaukulang parusa at multa, at maaaring tanggalan ng certipikasyon.

Epektibo ang polisiyang ito hanggang sa Enero 4, 2022.

Listahan ng PUJ drivers at operators na makakakuha ng fuel subsidy, isinasapinal na – LTFRB

Robie de Guzman   •   November 10, 2021

MANILA, Philippines – Isinasapinal na ng Land Transportation Franchising and Regulatory Board (LTFRB) ang listahan ng public utility jeepney (PUJ) drivers at operators na kwalipikado sa fuel subsidy program ng pamahalaan.

Ayon kay LTFRB Technical Division Head Joel Bolano, nasa 136,000 ang bilang ng mga benepisyaryo ng programa batay sa inilathala ng Department of Transportation (DOTr)

Ngunit paglilinaw ng opisyal, maaari pang mabago ang listahan ng mga benepisyaryo dahil kasama pa sa naturang bilang ang mga dati nang nakakuha ng bank account card sa ilalim ng pantawid pasada program noong 2018 at 2019.

Ayon kay Bolano, posibleng hindi na aktibo ang ilan sa mga benepisyaryo kaya kailangan pa munang ayusin ang listahan at isama ang ibang tsuper at operator na hindi nakakuha noon ng bank card pati na ang mga bagong operator.

“So, from the 136 (thousand) na iyon, baka yung iba inactive na. So, fina-finalize lang kaya mag-a-adjust talaga iyon. So, may effect iyon doon sa individual na amount,” ang pahayag ng opisyal.

Muli namang paalala ng LTFRB sa PUJ drivers at operators na gagamitin lang ang fuel subsidy para sa pamamasada alinsunod sa nilagdaan nilang kasunduan.

Ibibigay ang card sa mga tsuper upang magamit sa mga gasolinahan kapag kakargahan ng krudo sa kanilang operasyon.

Maaari din namang ang operator ang magpa-gas upang matiyak na walang gagastusin ang driver sa pagkakarga ng krudo.

Babala ng LTFRB, maaaring patawan ng parusa ang mga operator sakaling may paglabag sa programa.

Sa ngayon, patuloy na naghahanda ang LTFRB para sa pagpapatupad ng programa.

“Hopefully, mai-start na natin within this November mairo-rollout na natin iyan kasi ang pagkakaalam ko papasok na yung fund galing sa DBM to DOTr itong week na ito,” ani Bolano.

Ayon sa LTFRB, malalaman sa mga susunod na araw ang halaga ng subsidiyang makukuha ng mga tsuper kapag naisapinal na ang listahan ng mga benepisyaryo. – RRD (mula sa ulat ni Correspondent Asher Cadapan Jr.)

LTFRB: fuel subsidy for PUJ drivers to be released next week

Maris Federez   •   November 5, 2021

MANILA, Philippines —  The Land Transportation Franchising and Regulatory Board (LTFRB) has announced that the budget for the fuel subsidy of public utility jeepney (PUJ) drivers  will likely be released next week.

In an interview with LTFRB Technical Division chief Joel Bolano, the board is now preparing the list of qualified beneficiaries under the Pantawid Pasada program.

LTFRB Chairman Martin Delgra has earlier said that only legitimate qualified franchise holders and their drivers particularly those who were in the traditional public utility jeepney sector will be covered by the subsidy.

The government’s decision to give subsidy to qualified drivers was prompted by the surging prices of fuel. —/mbmf

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.