NCRPO at LRT2, nagsagawa ng simulation exercise para sa posibleng pagbabalik-operasyon sa Lunes

Robie de Guzman   •   May 27, 2020   •   405

MANILA, Philippines – Nagsagawa ng simulation exercise ang National Capital Region Police Office (NCRPO) at ang management ng Light Rail Transit line 2 (LRT-2) bilang paghahanda sa posibleng pagbabalik-operasyon ng mga tren kapag isinailalim na sa general community quarantine (GCQ).

Sa simulation na isinagawa noong Martes (Mayo 26) 400 police recruits ang nagkunwaring pasahero ng tren upang maipakita ang ipatutupad na social distancing measures mula sa pila hanggang sa pagsakay sa mga bagon.

Sa loob at labas ng istasyon ng tren, may makikitang mga dilaw na marka sa sahig na indikasyon para sa mga mga pasahero kung saan sila dapat tumayo kapag nakapila.

Sa loob ng tren ay may makikita ring mga marka para malaman ng mga pasahero kung saan lang sila maaaring umupo o tumayo.

Ayon kay Jimmy Chua, ang manager ng LRT-2 Security and Safety Division, 160 pasahero lamang ang maaaring isakay sa bawat biyahe ng tren alinsunod sa mga panuntunang inilabas ng pamahalaan.

Sa unang istasyon ng tren, 90 pasahero lang ang papayagang sumakay upang mabigyan pa ng pagkakataong makasakay ang iba pang pasaherong naghihintay sa kasunod na mga istasyon.

Batid ng LRT-2 management na malaki ang malulugi sa kanila pagdating sa koleksyon ng pasahe pero pagtitiyak ni Chua, hindi sila magtataas ng singil.

“Financially, malaki ang magiging loss namin, it’s a government-owned (facility) naman, government-operated, so naka-depende kami sa government para sa subsidy para sa tuluy-tuloy na pagserbisyuhan ang pasahero,” ani Chua.

Upang matiyak namang maipatutupad ng maayos ang physical distancing, nasa 12 hanggang 15 security guards ang idadagdag ng LRT-2 para magbantay sa loob at labas ng tren.

Sinabi rin ni NCRPO director Police Major General Debold Sinas na maglalagay sila ng shift ng apat hanggang 32 pulis bawat istasyon ng tren, depende sa dami ng mga pasahero.

“Habang hindi pa nasanay ang mga kababayan natin kung papaano sumakay, we have estimated already lahat lahat na ay around 500 for the different station lang depende sa request kasama ng istasyon ng PNR ay naghingi din ng minimum ng 2 to 4,” ani Sinas.

Maliban sa physical distancing, magpapatupad rin ang LRT-2 ng ‘no mask, no entry’ policy.

Hindi rin papapasukin ang mga pasaherong may temperaturang mas mataas pa sa 37.8 at nagpapakita ng sintomas ng coronavirus disease gaya ng ubo, sipon, lagnat at pananakit ng lalamunan.

Ang mga hakbang na ito ay kasunod na rin ng mga ulat na posibleng isailalim na sa GCQ ang Metro Manila at iba pang lugar na nasa ilalim ng modified enhanced community quarantine sa Hunyo 1.

Sa ilalim ng GCQ, maaari nang payagan ang limitadong pagbabalik-operasyon ng ilang pampublikong transportasyon kabilang na ang tren pero kailangang nakasunod ang mga ito sa nakatalagang health at safety protocols upang maiwasan ang pagkalat ng COVID-19.

Nakatakdang magpulong ngayong Miyerkules ang mga miyembro ng Inter-Agency Task Force for the Management of Emerging Infectious Diseases para isapinal ang kanilang mga rekomendasyon na isusumite kay Pangulong Rodrigo Duterte. – RRD (mula sa ulat ni Correspondent Lea Ylagan)

Tourism Dept., may paalala sa mga magbabakasyon sa Boracay

Robie de Guzman   •   October 1, 2020

MANILA, Philippines – Muli nang binuksan ngayong araw ang isla ng Boracay para sa mga turista matapos ang mahigit anim na buwang pagsasara bunsod ng coronavirus disease (COVID-19) pandemic.

Ibig sabihin, maaari nang bumisita sa isla ang mga nais mag-bakasyon. Ngunit paalala ng Department of Tourism (DOT), may mga requirement na kailangang sundin.

Batay sa ibinabang panuntunan ng DOT, ang mga magbabakasyon sa Boracay ay obligadong sumailalim sa RT-PCR test para sa COVID-19, at ipakita ang dokumentong nagpapatunay na negatibo sila sa virus dalawa hanggang tatlong araw bago ang petsa ng kanilang biyahe.

Habang hinihintay ang resulta ng test, dapat ding sumailalim sa quarantine ang pasahero hanggang sa araw ng kanilang biyahe.

Sinabi rin ni Tourism Secretary Bernadette Romulo-Puyat na kailangang may kumpirmadong booking ang pasahero sa alinman sa 200 accredited hotels sa Boracay.

“Pwede ngang galing sa NCR at saka no age restrictions. Of course, ang importante pala, kailangan naka-book ka sa isang hotel. Lahat ng hotel doon dapat DOT-accredited hotel kasi ‘yon ay pumasa sa health and safety protocols ng DOT,” ang wika ni Romulo-Puyat.

Payo ng kalihim sa mga biyahero, alamin sa website ng DOT ang iba pang requirement bago sila magbiyahe upang maiwasan ang aberya.

Kasabay ng pagbubukas ng turismo sa isla ay ibinalik na rin ang biyahe ng mga eroplano patungong Boracay.

Dalawa hanggang tatlong flight schedules kada linggo ang inilaan ng Philippine Airlines, Cebu Pacific at Air Asia.

Ayon kay Michelle Lim, ang Corporate Communications Specialist ng Cebu Pacific Air, kakaunti lang ang bumiyahe pa-Boracay ngayong araw ngunit inaasahan na nila ito lalo’t marami ang nangangamba sa kanilang kaligtasan sa gitna ng pandemiya.

“The flight was about, it had about 10 percent of the seats occupied. The load kasi are building pa at the moment. In the next few weeks or months, as more people are inspired to travel as well and are assured that everything is safe and everything is all set for them, then it would encourage them to go out and travel,” ang pahayag ni Lim.

Paalala rin ng mga otoridad na mahigpit pa ring ipinatutupad ang health protocols gaya ng pagsusuot ng face mask at face shield, physical distancing at minimum contact upang maiwasan ang pagkalat ng COVID-19.

Nanawagan rin ang airline companies sa mga pasahero na alamin ang updated travel restrictions at regulations na inilalatag ng pamahalaan sa gitna ng nararanasang krisis. – RRD (mula sa ulat ni Correspondent Asher Cadapan Jr.)

QC requires helmets for bike-riding public

Aileen Cerrudo   •   October 1, 2020

Under the new normal, the Quezon City government is requiring bicycle riders to wear helmets while traversing roads in the city.

Mayor Joy Belmonte approved Ordinance No. SP-2942 to further encourage bike-riders to wear helmets as protection, especially with more people traveling by bicycle.

“Ngayong bahagi na ng new normal ang pagbibisikleta, nais nating gawing mas ligtas ang aktibidad na ito para sa mga dumadaan sa ating lungsod, (Since biking is part of the new normal, we want this activity to be safe for everyone travelling in our city),” she said.

The ordinance sets penalties imposing fines of P1,000, P3,000 and P5,000 for the first, second and third offense, respectively.

Belmonte recently initiated the implementation of a Bike Lane Project to provide a safe place for people who have shifted to biking as an alternative means of transportation amid the community quarantine. AAC

Cavite gov’t to allow visits to cemeteries until Oct. 27

Robie de Guzman   •   October 1, 2020

The provincial government of Cavite on Thursday announced that it will allow visits to cemeteries from October 1 to 27 but laid down some rules for those planning to do so to prevent the spread of novel coronavirus disease (COVID-19)

In a Facebook post, Cavite Governor Jonvic Remulla said the cemeteries in the province are open during said period from 9 a.m. to 7 p.m. but will be closed from October 28 to November 2 as agreed by local authorities.

He also warned visitors that eating meals and drinking alcoholic beverages inside the cemeteries are prohibited. Videokes and selling of food are also not allowed.

“Bawal po ang kainan kahit sa mga pribado at sosyal na libingan. Mga alta, matutong makisama. Kung bawal ang kainan, lalong bawal ang inuman at lasingan,” Remulla said.

“Bawal maglako ng mga pagkain at inumin sa sementeryo,” he added.

The governor said the municipal and city government will also issue regulations on the number of persons allowed to enter the cemeteries in their respective areas.

He stressed that visitors should strictly observe health protocols including the wearing of face mask and face shield.

“Kailangan naka-face mask at face shield. Mag-ingat lamang sa mga aksidente lalo na sa pagsindi ng kandila dahil ang face shield ay gawa sa plastic,” Remulla said.

He likewise emphasized that those below 18 years of age are not allowed to go to cemeteries.

“Ang mga bata below 18 years old ay bawal pumunta sa sementeryo. Alam ko na mahirap ito pero mas malakas mahawa at magkalat ng sakit ang mga kabataan kaysa matatanda,” Remulla explained.

“Dahil sa pandemya, ay kailangan pa rin nating paulit-ulit na ipaalala ang social distancing rules. Lagpas 10,000 na ang positibo sa COVID dito sa Cavite at malakas ang kutob ko na baka lalong kumalat ang sakit na ito ngayong papalapit na undas,” he added.

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.