Presidential Assistant for Food Security and Agricultural Modernization Sec. Kiko Pangilinan (UNTV News)
MANILA, Philippines — Ipatutupad na ng pamahalaan ang bago nitong protocol sa pagsugpo ng Coconut Scale Insect o “Cocolisap”.
Matapos ang ilang pagsusuri at sa pamamagitan ng DNA testing ng DOST, mas natukoy ang uri ng insekto na sumisira sa mga puno ng niyog na ngayon ay umaabot na sa 2.1 million.
Unang naminsala ito noong 2010 sa probinsya ng Batangas at ngayon ay kumalat na sa 4 na probinya at 87 munisipalidad sa CALABARZON.
Tinatayang nasa .6% ng kabuoang bilang ng mga niyog sa bansa ang naapektuhan ng Cocolisap at patuloy ito sa paglaganap.
“So you can imagine if it travels 400m a month outward malaki ang infestation niya that’s why we have to address it immediately,” pahayag ni Presidential Assistant for Food Security and Agricultural Modernization Sec. Kiko Pangilinan.
Sa bagong protocol sa pagpuksa sa Cocolisap, unang tatabasin ang mga apektadong dahon, susundan ng trunk injection ng insecticide at pagkatapos ng 30 araw ay i-espreyan ng oraganic pesticide.
Pagkatapos naman ng dalawang linggo ay pakakawalan ang predator o kaaway nitong insekto para makontrol ang pagdami ng Cocolisap bago lagyan ng pataba ang mga puno.
“When you prune, you reduce the infestation population by up to 15% and so when the injection comes as a 2nd protocol, as a 2nd stage it will focus on the remaining 50% and so the treatment will be more effective,” pahayag pa ni Pangilinan.
“Yung pruning and let say trunk injection if they reach 65% that’s the number where in biocontrol would be be effective na to be able to control the remaining 35%,” saad naman ni DOST Secretary Mario Montejo.
Sa loob ng anim na buwan ay inaaasahang makababawi na ang napesteng puno.
Isinantabi naman ang pagputol sa mga punong naapektuhan ng Cocolisap dahil maghihintay pa ng 3 hanggang 7 taon bago lumaki at mapakinabangan ang mga punong bagong tanim.
Pinondohan na ng ₱750 milllion ang pagsasalba sa mga napesteng puno. (Rey Pelayo / Ruth Navales, UNTV News)
