Mga bata, bawal pa ring gumala maliban kung outdoor exercise – Malakanyang

Robie de Guzman   •   October 21, 2021   •   120

MANILA, Philippines – Nagpaalala ang Malakanyang sa publiko na bawal pa ring gumala ang mga menor de edad sa gitna ng pagluluwag ng COVID-19 alert level sa Metro Manila.

Nasa Alert Level 3 ang Metro Manila hanggang sa katapusan ng Oktubre ngunit giit ni Presidential Spokesperson Harry Roque, bawal pa ring lumabas ng bahay para mamasyal ang mga menor de edad dahil hindi pa sila bakunado laban sa COVID-19.

Aniya, maaari lamang lumabas ang mga bata kung ito ay para sa pangunahing pangangailangan at outdoor exercise.

“Para sa menor edad, bawal pa rin po ang gala ng mga kabataan except po for outdoor exercises, individual outdoor exercises,” ani Roque.

Sa ilalim ng Alert Level 3, mas maraming establisimiyento ang pinapayagang mag-operate sa limitadong kapasidad.

Ayon naman kay Metropolitan Manila Development Authority (MMDA) chairperson Benhur Abalos, napagkasunduan ng mga alkalde sa Metro Manila na payagan ang pagbiyahe ng mga bata pero dapat ay kasama ang kanilang mga magulang o guardian, alinsunod sa panuntunan ng lokal na pamahalaan.

Dapat rin ay may kinalaman sa basic necessities ang lakad at dapat ay nakasunod sa public health protocols.

“Ang pagbiyahe sa interzonal sa kalakhang Maynila ay pinapayagan at pwedeng lagyan ng rasonableng restrictions ng mga local government unit,” ani Abalos.

“Ang kondisyon po na napagkasunduan ng mga alkalde, ay ang mga menor de edad ay pwedeng bumiyahe provided kasama sila ng kanilang mga magulang or ng isang adult na guardian, maski hindi po bakunado,” dagdag pa niya.

Maaari ding pumunta sa mga mall ang mga bata kasama ang kanilang mga magulang o guardian kung magpapa-check up o kaya ay mag-a-avail ng mga pangunahing serbisyo o pangangailangan.

Testing at sequencing ng samples ng international passengers vs Omicron variant, inirerekomenda ng WHO

Robie de Guzman   •   November 30, 2021

MANILA, Philippines – Inirerekomenda ng World Health Organization (WHO) ang pagpapaigting sa screening at sequencing ng samples ng lahat ng mga pasaherong papasok sa Pilipinas.

Ayon kay WHO Country Representative Dr. Rabindra Abeyasinghe, isa ito sa mga mabisang paraan upang agad mapigilan ang pagkalat ng Omicron variant sakaling makapasok na ito sa bansa.

Aniya, dapat muling higpitan ang screening at isailalim sa RT-PCR screening ang mga pasahero, may Omicron variant case man o wala ang pinanggalingan nilang bansa.

“Risk-based approach should not only target countries that have already confirmed the Omicron variant in travellers or in citizens. We need to be aware of the fact that many countries have limited capacity for whole genome sequencing,” ani Abeyasinghe.

“That’s why I am advocating that anyone returning from overseas should be sequenced… So that we can get a headstart on being able to detect on the arrival of the variant in the country,” dagdag pa niya.

Kailangan rin aniyang isailalim sa genome sequencing ang lahat ng samples mula sa inbound travelers na nagpositibo sa COVID-19 upang matiyak na walang makakalusot na Omicron variant sa Pilipinas.

Sang-ayon rin si Abeyasinghe sa pagpapatupad ng travel restrictions sa South Africa at iba pang mga bansang may kaso na nito dahil karapatan ng isang bansa na magpatupad ng precautionary measures mula sa anumang banta.

“WHO has always advocated a risk-based approach. So each country should consider the risk of potential information from countries that are already confirming these variants and take appropriate measures while we’re trying to determine the absolute epidemiological significance of the variant and its response to the preventive entry and protocols that we have in the country at the moment in the world,” ayon sa WHO official.

“We continue to urge countries to take a risk- based approach in assessing the likelihood of information,” dagdag pa niya.

Ang Omicron variant ay unang natuklasan sa South Africa noon lamang nakaraang linggo at ngayo’y napaulat na rin sa iba’t ibang bansa.

Sa mga inisyal na pag-aaral, pinangangambahang mas agresibo at mas nakakahawa ang variant na ito dahil sa nakita ritong mutations na mas marami pa kumpara sa Delta variant.

Ngunit giit ng WHO, sa ngayon ay wala pang malinaw na detalye para sabihing mas mabagsik nga ang Omicron variant at may epekto ito sa transmission, mga gamot na ginagamit sa severe infection at sa bakuna laban sa COVID-19.

Ayon sa ahensiya, mas mainam pa ring panlaban sa virus ang umiiral na health protocols gaya ng tamang pagsusuot ng face mask, physical distancing, at palagiang paghuhugas ng kamay.

Mas maigi ring magpabakuna dahil nagbibigay ito ng proteksyon laban sa COVID-19. (mula sa ulat ni Correspondent Aiko Miguel)

COVID-19 Alert Level 1, hindi pa maaaring ideklara sa alinmang panig ng bansa – Malakanyang

Robie de Guzman   •   November 30, 2021

MANILA, Philippines – Patuloy pang pinag-aaralan ng Inter-Agency Task Force for the Management of Emerging Infectious Diseases (IATF-MEID) ang mga panuntunan upang maisailalim sa pinakamababang COVID-19 Alert Level ang isang lugar, ayon sa Malakanyang.

Ayon kay acting Presidential Spokesperson at Cabinet Secretary Karlo Nograles, ito ang isa sa mga dahilan kaya hindi pa makakapagdeklara ang pamahalaan ng Alert Level 1 sa alinmang panig ng bansa.

“Yung alert level 1, pina-finalize pa po natin lahat ng parameters na kinakailangan para ma-consider ang isang lugar na qualified mag-alert level 1. So, sa ngayon po, meron pa po kaming tini-tweak at pina-finalize na mga parameters. So, right now hindi tayo handa na mag-declare ng any alert level 1 sa ngayon,” ani Nograles.

Nakasaad sa panuntunan ng IATF sa nationwide implementation COVID-19 Alert Levels System na ang mga lugar na mababa at pababa ang case transmission, total bed utilization at intensive care unit (ICU) usage rate ang maaaring isailalim sa alert level 1.

Sa pinakamababang alert level, full on-site o venue at seating capacity na ang pinahihintulutan sa mga establisyemento at activities pero dapat ay maigting pa rin ang pagpapatupad ng public health standards.

Samantala, kumpyansa naman ang Duterte administration na maabot pa rin ng bansa ang four to five percent target economic growth rate para sa taong 2021.

Ito ay kahit mananatili sa COVID-19 alert level 2 ang Metro Manila at mga kalapit probinsya nito hanggang kalagitnaan ng Disyembre.

“Barring any unforeseen circumstances, kung patuloy itong pagbaba ng kaso, patuloy rin po ang pagbaba rin ng mga ADAR, two-week growth rate, at patuloy pa rin po ang safe reopening ng ating ekonomiya then we are very confident that we will reach our growth targets,” ani Nograles.

Muli namang nanawagan ang Palasyo sa publiko na magpabakuna na at sumunod sa mga panuntunan para sa ligtas na pagbubukas ng ekonomiya. (mula sa ulat ni Correspondent Rosalie Coz)

NCR to remain under COVID-19 Alert Level 2 until Dec. 15

Maris Federez   •   November 29, 2021

MANILA, Philippines — The Inter-Agency Task Force (IATF) approved on Monday (November 29) the recommendation to still place the National Capital Region under COVID-19 Alert Level 2.

In an advisory released Monday night, acting presidential spokesperson, Cabinet Secretary Karlo Nograles said that the following areas have also been placed under Alert Level 2:

  • Cordillera Administrative Region: Benguet, Abra, Kalinga, Baguio City, Mountain Province, and Ifugao;
  • Region I: Dagupan City, Ilocos Sur, Ilocos Norte, La Union, and Pangasinan;
  • Region II: Batanes, Cagayan, Isabela, Nueva Vizcaya, Quirino, and City of Santiago;
  • Region III: Angeles City, Aurora, Bataan, Bulacan, Nueva Ecija, Olongapo City, Pampanga, Zambales, and Tarlac;
  • Region IV-A: Cavite, Laguna, Batangas, Rizal, Quezon, and Lucena City;
  • Region IV-B: Occidental Mindoro, Oriental Mindoro, Puerto Princesa City, Marinduque, Romblon, and Palawan;
  • Region V: Albay, Camarines Norte, Camarines Sur, Catanduanes, Sorsogon, Masbate, and Naga City;
  • Region VI: Aklan, Antique, Bacolod City, Capiz, Guimaras, Iloilo, Iloilo City, and Negros Occidental;
  • Region VII: Bohol, Cebu, Cebu City, Lapu-Lapu City, Mandaue City, Negros Oriental, and Siquijor;
  • Region VIII: Biliran, Eastern Samar, Leyte, Northern Samar, Ormoc City, Southern Leyte, Tacloban City, and Western Samar;
  • Region IX: City of Isabela, Zamboanga City, Zamboanga del Norte, Zamboanga del Sur, and Zamboanga Sibugay;
  • Region X: Bukidnon, Cagayan de Oro City, Camiguin, Iligan City, Lanao del Norte, Misamis Occidental, and Misamis Oriental;
  • Region XI: Davao City, Davao del Norte, Davao de Oro, Davao del Sur, Davao Occidental, and Davao Oriental;
  • Region XII: General Santos City, North Cotabato, Sarangani, South Cotabato, and Sultan Kudarat;
  • Region XIII (Caraga) Butuan City, Surigao del Norte, Agusan del Sur, Surigao del Sur, Dinagat Islands, and Agusan del Norte; and
  • The Bangsamoro Autonomous Region in Muslim Mindanao: Basilan, Cotabato City, Tawi-Tawi, Sulu, Lanao del Sur, and Maguindanao.

The province of Apayao, however, shall be placed under Alert Level 3.

Nograles added that the said Alert Level shall be effective from December 1 to 15, 2021.

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.