MECQ sa Metro Manila at Laguna, simula na bukas pero non-essential activities, limitado pa rin — Malakanyang

Robie de Guzman   •   August 20, 2021   •   133

MANILA, Philippines — Simula sa Sabado, Agosto 21 ay ilalagay na sa modified enhanced community quarantine (MECQ) ang Metro Manila at Laguna.

Ngunit ayon sa Malakanyang, mananatili pa ring limitado ang non-essential trips at activities sa ilalim ng nasabing protocol.

Hindi pa rin papayagan ang indoor at al-fresco dine-in services, pati na ang personal care services gaya ng beauty salon, parlor, barbershop at nail spa.

Bawal pa ring magbukas ang entertainment venues gayundin ang outdoor at indoor sports courts at venues, indoor at outdoor tourist attractions, pati na ang venues para sa meetings, conferences at iba pa.

Mananatili ring virtual o online ang religious gatherings.

Sa Agosto 23 naman magsisimula ang pagpapatupad ng MECQ sa lalawigan ng Bataan.

Kasabay nito, inaatasan ang mga lokal na pamahalaan sa mga lugar na ito na paigtingin pa ang kanilang vaccination efforts, gayundin ang prevent-detect-isolate-treat-reintegrate o PDITR strategies at ang pagpapatupad ng minimum public health standards.

Limitado ang onsite operations para sa mga manggagawa at dapat ding magpatupad ng istriktong granular lockdowns sa Metro Manila, Laguna at Bataan kung kinakailangan.

Bagaman pinahihintulutan naman ang necrological services, burol, inurnment at funerals sa non-COVID-19 deaths, limitado lamang ito sa immediate family members.

Ayon kay Presidential Spokesperson Harry Roque, kinakailangang maging madiskarte ang lahat upang mapigilan ang pagkakaroon ng COVID-19 outbreak.

“Ang mga miyembro ng IATF ay nagdesisyon na kinakailangan nating ng panibagong istratehiya at paraan para magawa ang ating trabaho para makontrol ang lalo pang pagkalat ng COVID-19 ng mga variants. tandaan na ang community quarantine ay hindi nag-iisang solusyon sa pandemiya,” ani Roque.

Samantala, batay naman sa napagkasunduan ng Metro Manila Council, pananatilihin ang unified curfew sa lahat ng lungsod at munisipalid sa rehiyon mula alas-otso ng gabi hanggang alas-kwatro ng madaling araw.

Papayagan na rin ang outdoor exercises subalit maaari lamang itong gawin mula alas-sais lamang hanggang alas-nuwebe ng umaga.

Paalala ng Palasyo, limitado pa rin ang paglabas ng bahay at ang pagbiyahe lamang para sa mga pangunahing pangangailangan, serbisyo at trabaho sa mga pinahihintulutang industriya ang papayagan sa MECQ areas. – RRD (mula sa ulat ni Correspondent Rosalie Coz)

Ilang pasyalan sa Metro Manila bukas na sa publiko pero mga bata, bawal sa ilang parke

Robie de Guzman   •   October 22, 2021

MANILA, Philippines – Bukas na sa publiko ang ilang pasyalan sa Metro Manila kasunod ng pagsasailalim sa rehiyon sa COVID-19 Alert Level 3.

Kabilang sa mga binuksang pasilidad ay ang Quezon Memorial Circle, kung saan pinapayagan ang pagpasok ng mga bata basta’t may kasamang magulang o adult guardian.

Maaari ring kumain sa parke at bukas ang playground para sa mga batang gustong maglaro.

May mga nag-iikot namang security personnel upang masegurong nasusunod ng mga bisita ang ipinatutupad na public health protocols.

Malawak ang Quezon Memorial Circle at maaari itong pagdarausan ng individual exercise.

Bukas ang lugar mula alas-5 ng umaga hanggang alas-8 ng gabi.

Sa Maynila naman, bukas rin ang Luneta at Paco Park mula alas-5 ng umaga para sa mga nais mamasyal at mag-ehersisyo sa liwasan.

Ngunit ayon sa National Parks Development Committee (NPDC), bawal pa rin ang pagpasok sa Rizal Park ng mga menor de edad kahit sila ay mag-e-ehersisyo.

“Sa ngayon po, dahil po sa IATF guidelines ay hindi po muna natin ina-allow ang mga bata sa parks and then, yung pagdating naman din po sa pagkain, hindi pa rin po nag-a-allow ng picnic po sa park,” ang paliwanag ni Florizza Buclatin, ang chief of staff ng NPDC.

Sa Intramuros, tumatanggap na rin ng bisita ang Baluarte de San Diego at Fort Santiago pero bawal pa rin ang mga menor de edad.

Bukas ang Fort Santiago mula alas-9 ng umaga hanggang alas-7 ng gabi habang ang Baluarte de San Diego naman ay bukas mula alas-9 ng umaga hanggang alas-6 ng gabi.

Bukas ang mga pasyalang ito, bakunado man o hindi kontra COVID-19.

Paalala ng mga otoridad sa mga bisita, kailangan pa ring nakasuot ng face mask, iwasan ang overcrowding at panatilihin ang physical distancing. – RRD (mula sa ulat ni Correspondent Asher Cadapan Jr.)

PNP, may babala vs. mga magulang ng mga batang pakalat-kalat sa pampublikong lugar

Robie de Guzman   •   October 22, 2021

 

MANILA, Philippines – Umapela ang Philippine National Police (PNP) sa mga magulang na huwag munang hayaang lumabas ng bahay ang kanilang mga anak sa gitna ng nagpapatuloy na banta ng COVID-19.

Ginawa ng PNP ang apela kasunod ng pagdagsa ng mga menor de edad sa mga pasyalan matapos isailalim sa COVID-19 Alert Level 3 ang Metro Manila mula Oktubre 16 hanggang 31.

Ayon kay PNP chief Police General Guillermo Eleazar, malinaw ang patakaran na hindi pa maaaring lumabas ang mga bata maliban kung mahalaga ang lakad gaya ng pagpapa-checkup.

Una na ring sinabi ng Malakanyang na limitado pa rin in general ang paggalaw ng mga bata at papayagan lamang silang lumabas para mag-ehersisyo o kaya ay para sa essential services.

“Nilinaw na ng Metropolitan Manila Development Authority ang panuntunan sa paglabas ng mga kabataan. Maaari lamang silang lumabas kung sila ay magpapagamot o kaya mageehersisyo. Dapat din ay kasama nila ang kanilang magulang tuwing lalabas,” ani Eleazar.

“Kaya naman pinapaalalahanan ko ang mga magulang na bantayan ang kanilang mga anak dahil baka akala ng mga ito, maaari na silang basta-basta lumabas dahil sa kakaunting pagluluwag dito sa Metro Manila,” dagdag pa niya.

Babala ng PNP, maaaring papanagutin ang mga magulang ng mga batang makikitang pakalat-kalat sa mga pampublikong lugar.

Payo rin nito sa mga magulang na bigyang-prayoridad ang kaligtasan ng mga anak sa gitna na rin ng COVID-19 pandemic.

Business recovery very likely as restrictions ease — employers group

Maris Federez   •   October 22, 2021

MANILA, Philippines — The Employers Confederation of the Philippines (ECOP) is confident that businesses will be able to recover soon as alert level restrictions begin to ease in selected areas in the country.

ECOP said that business owners are seeing gradual recovery from losses as protocols to counter the spread of COVID-19 relax.

“Kapag nagnonormal yung restrictions mag-uumpisa nang kumita ang mga iyan,” said ECOP president Sergio Ortiz-Luis Jr.

Ortiz-Luis added that it is now time for the government to allow companies to operate with a larger percentage of their workforce to help them recover.

He said all it takes for them is to implement stricter health protocols in their areas of employment.

Employers must also not make vaccination status a basis for accepting employees returning for work.

“Kapag tinanong mo meron din ilan-ilang nagpa-positve sa workplace eh. Pero kapag ininspeksiyon mo saan nakuha, hindi naman doon sa workplace eh. Nakuha sa paghanap ng sasakyan, pagpila sa kung ano-anong pinipilahan,” Ortiz-Luis said.

“Napakaraming pila: pila sa ayuda, pila sa COMELEC, pila sa paghanap ng sasakyan, paglalakad, pagtitipon, paghahanap ng pagkain. Doon nakukuha. Hindi sa workplace. Bakit hindi mo papasukin?” he added.

However, the Bangko Sentral ng Pilipinas (BSP) stressed that vaccination, alongside the efficient implementation of quarantine restrictions, is still the key to economic recovery.

“The continued decline in COVID-19  infection cases owing to the speedier COVID vaccine rollout and more effective granular lockdown will help underpin the economy’s gradual reopening,” said BSP Governor Benjamin Diokno.

Currently, the National Capital Region is under Alert Level 3 until the end of October, wherein several business establishments have been allowed to operate with limited capacity. —/mbmf (from the report of UNTV Correspondent Nel Maribojoc)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.