Manila Bay office exec relieved from post over dolomite beach overcrowding

Robie de Guzman   •   October 27, 2021   •   267

MANILA, Philippines ­– The ground commander assigned to oversee the Manila Bay dolomite beach has been relieved from his post over last weekend’s overcrowding incident.

Department of Environment and Natural Resources (DENR) Secretary Roy Cimatu announced that he has removed Manila Bay Coordinating Office deputy executive director Jacob Miemban Jr. from his post.

Cimatu said he ordered Miemban’s relief amid the investigation on the overcrowding incident in the dolomite beach.

“We’re not making him a sacrificial lamb. He already said that being the commander, he takes full responsibility for what happened,” Cimatu said.

“While appreciating the gesture of that, kailangan imbestigahan pa rin naman yung nangyari,” he added.

Retired General Ruel Sorilla, who serves as officer-in-charge and director of DENR’s Environmental Law Enforcement and Protection Service, will take over Miemban’s post.

Cimatu said Sorilla has been tasked to strictly implement health protocols in the area that has attracted droves of visitors.

The DENR earlier said it has improved its protocols in admitting visitors to the dolomite beach to prevent the occurrence of similar incident.

It is also eyeing to temporarily close the man-made beach from Oct. 29 to Nov. 3.

The dolomite beach was reopened to the public last Oct. 16 when Metro Manila shifted to COVID-19 Alert Level 3 from Level 4 amid decreasing coronavirus cases.

Manila Bay dolomite beach, sa Disyembre na muling bubuksan sa publiko – DENR

Robie de Guzman   •   November 3, 2021

MANILA, Philippines – Hindi muna bubuksan sa publiko ang Manila Bay dolomite beach habang isinasagawa ang rehabilitasyon sa kabuuan ng baywalk.

Ayon sa Department of Environment and Natural Resources (DENR), kailangan munang matapos ang rehabilitasyon sa man-made beach bago ito muling buksan sa publiko.

Paliwanag ni DENR Undersecretary Jonas Leones, layunin ng pansamantalang pagsasara ng lugar na bigyang-daan ang phase 2 ng rehabilitasyon sa buong Manila Bay dolomite beach na target makumpleto bago matapos ang taon.

Iginiit rin ng DENR na pansamantala lang naman talaga ang pagbubukas ng lugar lalo’t hindi pa rin natatapos ang paglilinis rito dahil sa pandemya.

Ayon kay Leones, manggagaling pa rin sa Cebu ang dolomite sand na itatambak sa bahagi ng Manila Bay sa ilalim ng kontrata ng Department of Public Works and Highways.

“Ang dolomite resources kasi, mga dolomite rocks, di naman siya available sa other regions at pinagkukuhanan po natin, sinisiguro po natin yung pinagkukuhanan natin ay legitimate sources na may permit po sa ating pamahalaan,” ani Leones.

Tiniyak rin ng DENR na tututukan nito ang paglilinis sa tubig sa Manila Bay upang maging ligtas itong languyan ng mga tao.

Isasaayos rin ang drainage system sa Maynila kung saan planong i-divert ang mga drainage sa sewage treatment plant sa lugar.

Plano rin ng DENR na resolbahin ang problema sa mga basurang naaanod mula sa mga karatig-probinsiya ng Cavite, Laguna, at Pampanga.

Mga bibisita sa Quezon Memorial Circle, lilimitahan na ng QC LGU

Robie de Guzman   •   November 1, 2021

Magpapatupad ng ilang hakbang ang pamahalaan ng Quezon City upang maiwasan ang pagdagsa ng mga tao sa Quezon Memorial Circle.

Ito ang inanunsyo ng lokal na pamahalaan matapos magkumpulan ang maraming tao sa Quezon Memorial Circle sa nakalipas na weekend.

Ayon kay Quezon City Assistance City Administrator for Operations Alberto Kimpo, hahatiin nila sa pitong bahagi ang Quezon Memorial Circle na maaaring puntahan ng mga nais mamasyal sa lugar.

Bukas sa publiko ang mga sumusunod:

 

  • Fitness Trail
  • Playground
  • Tropical Garden
  • Flower Garden
  • Rock Garden
  • World Peace Bell
  • Quezon City Experience Museum

Ayon kay Kimpo, lalagyan ng bakod ang bawat lugar at limitado lamang ang bilang ng mga taong papayagang pumasok sa anomang oras.

“The Quezon Memorial Circle Administration will provide adequate number of personnel to man the entrance and exit point to each of these zones. So, rest assured na yung papasok po doon sa zone will be strictly enforced in terms of yung maximum restrictions as to numbers,” dagdag pa niya.

Mag-iikot rin sa bawat zone ang mga kawani ng Task Force Disiplina upang matiyak na nasusunod ang minimum public health standards kabilang na ang pagsusuot ng face mask, regular na sanitation at physical distancing.

Una nang inanunsyo ng Quezon City government na bukas na ang Quezon Memorial Circle sa publiko, pati na sa mga bata, ngunit hanggang 30% lamang ng kapasidad nito.

Mga papayagang pumasok sa Manila Bay dolomite beach, hanggang 4K lang; mga bata, bawal – DENR

Robie de Guzman   •   October 26, 2021

 

MANILA, Philippines ­– Lilimitahan na ng Department of Environment and Natural Resources (DENR) ang bilang ng mga bisitang maaaring makapasok sa Manila Bay dolomite beach.

Ayon kay DENR Undersecretary Jonas Leones, nasa 4,000 bisita lamang ang papayagang makapasok na carrying capacity ng lugar.

“Ang problem lang natin, during weekdays, talagang bumibigla, pumapalo talaga ng hindi na bumababa ng 18,000 and above ang number of persons. So, ang gagawin lang natin, with our strategy, we will meet lang yung carrying capacity ng area mga 4,000 to 5,000 lang ang nasa loob,” ang wika ng opisyal.

Upang mapagbigyan ang iba pang mga bisita na makapasok sa dolomite beach, ipatutupad ang limitadong oras sa pagtigil sa lugar.

Kapag weekend, ipaiiral ang “cinema approach” kung saan may scheduling o may oras ang pagpasok sa lugar.

Palalabasin ang mga ito pagkatapos ng dalawang oras para naman sa iba pang mga bisita.

Kapag dagsa ang tao sa weekdays, ipatutupad naman ang rotation system kung saan maari lang tumigil sa loob ng pasyalan hanggang labinglimang minuto.

Upang maiwasan ang pila sa labas ng dolomite beach, planong gumamit ng DENR ng smartphone app o bigyan ang mga bisita ng stub na maipapakita nila kapag oras na ng kanilang pagpasok.

Bibigyan naman ng special lane ang mga vulnerable sectors gaya ng senior citizens, buntis at may karamdaman.

Pagbabawalan namang pumasok sa dolomite beach ang mga batang may edad 11 pababa, alinsunod sa guidelines ng Inter-Agency Task Force for the Management of Emerging Infectious Diseases (IATF-MEID).

“Consistent with the IATF protocols, we followed our determination of the age based on the availability nung vaccination natin. Kung mapapansin ninyo, the government has already implemented the vaccination of 12 years old and above,” ani Leonas.

Layunin ng bagong patakaran na maiwasan na ang pagdagsa ng mga tao gaya nang nangyari sa mga nakalipas na linggo.

Magugunitang, umabot sa mahigit 121,000 indibidwal ang bumisita sa Manila Bay dolomite beach noon lamang araw ng Linggo. Dahil sa dami ng tao, hindi na natupad ang social distancing protocol at may iba pang hindi nakasuot ng maayos ang kanilang face mask.

Isasara naman ang dolomite beach tuwing Biyernes upang bigyang-daan ang maintenance activities.

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.