Malacañang, walang nakikitang dahilan upang gawing testigo si Pang. Aquino sa paglilitis sa kasong plunder ni Sen. Bong Revilla

admin   •   July 11, 2014   •   1812

Pangulong Benigno Aquino III (UNTV News)

MANILA, Philippines  — Interesado ang Malacañang na malaman kung papaano patutunayan ng kampo ni Senador Ramon Bong Revilla sa paglilitis sa kanya na hindi siya nakinabang sa perang galing sa pork barrel scam sa pamamagitan ng pagtestigo ni Pangulong Benigno Aquino III at ilang miyembro ng gabinete.

“Itong nangyari kay Senator Bong Revilla, ang accusation sa kaniya nangyari noong 2007-2009 base sa special audit report. So ano ang relevance ni Pangulong Aquino dun sa 2007-2009, ano ang relevance ni Secretary De Lima kung ang mga nangyari that incidence occured prior to 2010,” pahayag ni Presidential Spokesperson Sec. Edwin Lacierda.

“For that particular reason, we are really interested in how President Aquino, the members of the cabinet, Secretary Leila De Lima will help in proving that Senator Revilla did not make money in the PDAF scam,” dagdag pa nito.

Ipinauubaya naman ng Malakañang sa Sandiganbayan ang pagresolba sa usapin na ito at kung may legal issue ang kahilingan ng kampo ni Senador Revilla na paupuin sa witness stand ang pangulo ng Pilipinas.

Samantala, kaugnay naman sa paglalabas ng DAP list projects, sinabi ni Presidential Spokesman Edwin Lacierda na committed silang ilabas ang listahan ng mga proyektong pinondohan ng Disbursement Acceleration Program na sa kasalukuyan ay inaayos pa ng Department of Budget and Management (DBM).

Dagdag pa ng kalihim, malaya naman na magsiyasat ang publiko sa bawat miyembro ng gabinete kung saan napunta ang pondo ng DAP.

Aniya, “we’re referring to the whole of the government you’re talking about 116 projects and by different cabinet department and the — were speaking what’s the status completion every issue of the project, this are all things we are collating but when you want to go through any specific individuals I would suggest you are free to do so they will more than glad to tell they have doing that.”

Patuloy ring naninindigan ang Malakañang na walang anumang criminal liability si DBM Secretary Butch Abad o sinoman sa mga miyembro ng gabinete na ginamit ang DAP fund sa implementasyon ng mga proyektong pakikinabangan ng mamamayan. (Nel Maribojoc / Ruth Navales, UNTV News)

Palace contradicts DOH; clarifies PH still in first wave

Aileen Cerrudo   •   May 21, 2020

Malacañang on Thursday (May 21) clarified that the Philippines is still experiencing the first wave of the coronavirus disease (COVID-19), contrary to the statement of Department of Health (DOH) Secretary Francisco Duque III.

The Palace apologized for the confusion and worry brought by Duque’s statement and said there were varying interpretations of the data.

Presidential Spokesperson Harry Roque insisted that the country is still in the first wave of the COVID-19 infection.

“Nagpapatuloy po ang first wave. Katunayan, nagpatuloy ito sa buwan ng Pebrero na may kaunti kasi na na-report at lumobo sa buwan ng March. Patuloy pong lumobo iyan hanggang sa buwan ng Mayo, kung saan nakikita natin ngayon na bumababa na (The first wave continues. In fact, it continued from February, with few reports, and ballooned in March. It continues to increase until May, where we can see there is a decline),” he said.

Roque also said Duque did not go through the protocol to inform President Rodrigo Duterte regarding the interpretation of the second wave.

READ: Duque: Philippines now on second wave of COVID-19 cases

However, the Palace official said the varying of opinions is not of importance and the government, including the public, should focus on how to prevent a second wave of COVID-19 infections.

“Ang importante maiwasan po ang pagbalik ng malawakang numero ng magkakasakit sa COVID-19. Nagkakaisa po ang gobyerno na gagawin ang lahat ng hakbang upang maiwasan ang second wave (What’s important is, we prevent another increase in the number of COVID-19 cases. The government is united in doing everything to prevent a second wave),” Roque said. –AAC (with reports from Rosalie Coz)

DBM, pinahahanap ng dagdag na pondo para sa ikalawang bugso ng cash aid – Malakanyang

Robie de Guzman   •   May 15, 2020

MANILA, Philippines – Inatasan na ni Pangulong Rodrigo Duterte ang Department of Budget and Management (DB M) na humanap ng dagdag na pondo para sa pamamahagi ng ikalawang bugso ng government cash aid sa ilalim ng Social Amelioration Program (SAP).

Ayon kay Presidential Spokesperson Harry Roque, inutusan na ng pangulo si DBM Secretary Wendel Avisado na gumawa ng listahan ng mga ahensiyang maaaring pagkunan ng kinakailangang pondo para sa second tranche ng SAP.

Nasa 18 milyong mahihirap na pamilya sa bansa ang unang target na mabigyan ng ayuda sa ilalim ng government emergency subsidy program.

Aabot sa P205 milyon ang inilaang pondo para sa programa, batay sa nakasaad sa Bayanihan to Heal as One Act.

Ngunit matapos ang pamamahagi ng unang batch ng pinansiyal na ayuda, nadagdagan pa ng limang milyon ang bilang ng pamilya na humihingi ng tulong mula sa pamahalaan dahil sa matinding hirap na dinaranas sa gitna ng COVID-19 crisis.

Inaprubahan na ng pangulo ang dagdag na benepisyaryo ng programa kaya’t kailangan ngayon ng pamahalaan ng dagdag na pondo para tustusan ito.

“Inaatasan niya si DBM Secretary Wendel Avisado, suriin niya ang mga budgetary allocations ng line agencies. Tingnan kung magkano ang pwedeng ma-realign dahil nais niya sana kung pwedeng bigyan lahat ng 23 million families ng ayuda ng 2nd tranche din,” ani Roque.

Una nang inamin ng administrasyong Duterte na paubos na ang pondo ng pamahalaan para sa COVID-19 response at hindi pa tiyak kung saan kukunin ang perang ipang-aayuda sa mga labis na naapektuhan ng krisis.

Nanawagan na rin ang pangulo sa liderato ng Kongreso na tumulong sa paghahanap ng pondo para sa mga programa ng gobyerno. – RRD (mula sa ulat ni Correspondent Rosalie Coz)

Sitwasyon sa mga lugar na binabayo ni ‘Ambo’, tinututukan ni Pangulong Duterte — Malakanyang

Robie de Guzman   •   May 15, 2020

MANILA, Philippines – Tiniyak ng Malakanyang na nakatutok si Pangulong Rodrigo Duterte sa sitwasyon sa mga lugar na apektado ng bagyong Ambo (international name: Vongfong).

Ayon kay Presidentail Spokesperson Harry Roque, nakabantay ang pangulo sa report ng National Disaster Risk Reduction and Management Council (NDRRMC) ukol sa pinsalang tinamo ng mga bayang sinalanta ng bagyo.

Partikular aniyang tnututukan ng Pangulo ang mga lugar sa Eastern Samar at Bicol kung saan nag-landfall ang bagyo.

“Nakatutok po ang presidente natin sa report ng NDRRMC, kung ano po ang mga pangyayari. Lalong-lalo na po sa mga lugar kung saan naglandfall itong bagyong Ambo,” ani Roque.

Nanawagan naman ang Palasyo sa publiko na manatiling alerto at makinig sa abiso ng mga otoridad hinggil sa disaster preparedness at response. – RRD (mula sa ulat ni Correspondent Rosalie Coz)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.