LTFRB patuloy ang ugnayan sa DBM para sa ayuda ng mga PUV drivers

Aileen Cerrudo   •   August 12, 2021   •   214

MANILA, Philippines — Patuloy ang ugnayan ng Land Transportation, Franchising, and Regulatory Board (LTFRB) sa Department of Budget and Management (DBM) para sa pondo sa ilalim ng General Appropriations Act (GAA).

Ayon kay LTFRB Chairman Atty. Martin Delgra III, hinihintay ng ahensya ang aprubasyon ng DBM para sa P3 bilyong pondo upang mabuksan muli ang Service Contracting Program ng Department of Transportation (DOTr) at ng LTFRB.

Maibabalik muli ang libreng sakay para sa mga commuters sa oras na mailabas na ang pondo para a Service Contracting Program, ayon kay Delgra.

Matutulungan din ng Service Contracting Program ang mga PUV drivers hindi lang sa National Capital Region (NCR), kundi sa iba’t ibang lugar sa Pilipinas.

“Tuloy-tuloy ang ugnayan namin with DBM para mailabas na po ang pondo na P3 billion under the General Appropriations Act kung saan magsisimula ulit ang Service Contracting Program,” aniya.

Samantala, mayroon ding P3.4 billion na inaasahang na mai-proseso  sa paraan ng Notice of Cash Allocation. Ito naman ay ilalaan para sa pagbibigya ayuda sa mga PUV drivers na apektado ng pandemya.

Ayon kay Delgra, halos 48,000 drivers ang nakatanggap ng benepisyo sa nasabing programa. Mayroon ding 38,000 bus at jeepney operators naman ang kabilang sa Contracting Program. AAC

Listahan ng PUJ drivers at operators na makakakuha ng fuel subsidy, isinasapinal na – LTFRB

Robie de Guzman   •   November 10, 2021

MANILA, Philippines – Isinasapinal na ng Land Transportation Franchising and Regulatory Board (LTFRB) ang listahan ng public utility jeepney (PUJ) drivers at operators na kwalipikado sa fuel subsidy program ng pamahalaan.

Ayon kay LTFRB Technical Division Head Joel Bolano, nasa 136,000 ang bilang ng mga benepisyaryo ng programa batay sa inilathala ng Department of Transportation (DOTr)

Ngunit paglilinaw ng opisyal, maaari pang mabago ang listahan ng mga benepisyaryo dahil kasama pa sa naturang bilang ang mga dati nang nakakuha ng bank account card sa ilalim ng pantawid pasada program noong 2018 at 2019.

Ayon kay Bolano, posibleng hindi na aktibo ang ilan sa mga benepisyaryo kaya kailangan pa munang ayusin ang listahan at isama ang ibang tsuper at operator na hindi nakakuha noon ng bank card pati na ang mga bagong operator.

“So, from the 136 (thousand) na iyon, baka yung iba inactive na. So, fina-finalize lang kaya mag-a-adjust talaga iyon. So, may effect iyon doon sa individual na amount,” ang pahayag ng opisyal.

Muli namang paalala ng LTFRB sa PUJ drivers at operators na gagamitin lang ang fuel subsidy para sa pamamasada alinsunod sa nilagdaan nilang kasunduan.

Ibibigay ang card sa mga tsuper upang magamit sa mga gasolinahan kapag kakargahan ng krudo sa kanilang operasyon.

Maaari din namang ang operator ang magpa-gas upang matiyak na walang gagastusin ang driver sa pagkakarga ng krudo.

Babala ng LTFRB, maaaring patawan ng parusa ang mga operator sakaling may paglabag sa programa.

Sa ngayon, patuloy na naghahanda ang LTFRB para sa pagpapatupad ng programa.

“Hopefully, mai-start na natin within this November mairo-rollout na natin iyan kasi ang pagkakaalam ko papasok na yung fund galing sa DBM to DOTr itong week na ito,” ani Bolano.

Ayon sa LTFRB, malalaman sa mga susunod na araw ang halaga ng subsidiyang makukuha ng mga tsuper kapag naisapinal na ang listahan ng mga benepisyaryo. – RRD (mula sa ulat ni Correspondent Asher Cadapan Jr.)

LTFRB: fuel subsidy for PUJ drivers to be released next week

Maris Federez   •   November 5, 2021

MANILA, Philippines —  The Land Transportation Franchising and Regulatory Board (LTFRB) has announced that the budget for the fuel subsidy of public utility jeepney (PUJ) drivers  will likely be released next week.

In an interview with LTFRB Technical Division chief Joel Bolano, the board is now preparing the list of qualified beneficiaries under the Pantawid Pasada program.

LTFRB Chairman Martin Delgra has earlier said that only legitimate qualified franchise holders and their drivers particularly those who were in the traditional public utility jeepney sector will be covered by the subsidy.

The government’s decision to give subsidy to qualified drivers was prompted by the surging prices of fuel. —/mbmf

Mga pauwi ng probinsya para sa long weekend, dumarami na – PITX

Robie de Guzman   •   October 28, 2021

MANILA, Philippines – Unti-unti nang dumadagsa sa Parañaque Integrated Terminal Exchange (PITX) ang mga pauwi ng probinsiya para samantalahin ang long weekend.

Sa PITX naka-himpil ang mga bus na may biyaheng Katimugang Luzon.

Ayon kay Jayson Salvador, ang nangangasiwa sa PITX, mahigit sa 60,000 pasahero ang inaasahang nilang darating sa mga terminal para bumiyahe ngayong weekend.

“Yung pasahero natin during the intense lockdown ay nag-a-average tayo ng 20,000 to 25,000. Ngayon, simula nang nilagay tayo sa Alert Level 3, pumapalo na po tayo sa 50,000 to 55, 000 passengers a day and we anticipate that going towards the long weekend na Undas that it might reach 60,000 to 65,000,” ani Salvador.

Tiniyak naman ng Land Transportation Franchising and Regulatory Board (LTFRB) na nakahanda na ang ahensiya sa inaasahang pagdami ng mga pasahero.

Tinututukan rin nito ang mga malalaking terminal sa Metro Manila upang masegurong maayos ang sitwasyon at naipatutupad ang health protocols laban sa COVID-19.

“Taon-taon naman, may pandemic o wala, mayroon po tayong tinatawag na Oplan Undas. Yung Oplan Undas po, takes about in the context of having to monitor and inspect the units as well as inspect and prepare the terminals—yung mga bus terminals—para sa pagdagsa ng mga pasahero,” ang wika ni LTFRB chairman Atty. Martin Delgra.

Samantala, tiniyak naman ng Metropolitan Manila Development Authority (MMDA) na nagsasagawa na rin ito ng inspeksyon sa PITX upang mapa-alalahanan ang mga driver at kondukto, pati na rin ng mga pasahero na sumunod sa physical distancing, at health protocols upang maiwasan ang hawaan ng COVID-19.

“Ang MMDA, nagbibigay ng mga alcohol test sa mga drivers. Tinitingnan kung mga naakainom o hindi. Kaya I would say na talagang handang handa na tayo maging sa mga sasakyan sa mga pagbyahe sa mga probinsya,” ani MMDA chairman Benhur Abalos.

Payo ng PITX sa mga pasahero, bumili ng ticket 48 oras bago ang petsa ng pag-biyahe upang makaiwas sa pila at abala.

Alamin rin ang requirements ng local government unit sa lugar na pupuntahan upang maihanda ang mga kailangang dokumento at proseso gaya ng pag-secure ng antigen test. – RRD (mula sa ulat ni Correspondent Asher Cadapan Jr.)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.