Legalidad ng EPIRA Law, kabilang sa tatalakayin sa oral arguments sa Enero 21

admin   •   January 16, 2014   •   2652

IMAGE_JAN162014_PHOTOVILLE International_MERALCO_POWER RATE HIKE ORALS

Disclaimer: Not the official poster for the event. Artist impression only. (PHOTOVILLE International)

MANILA, Philippines – Nakalatag na ang mga isyung pagtatalunan sa oral arguments sa January 21 kaugnay ng mga petisyon laban sa dagdag-singil sa kuryente ng Manila Electric Co. (MERALCO).

Sa isang advisory na inilabas ng Korte Suprema, kabilang sa mga tatalakayin ang legalidad ng ilang probisyon ng kontrobersyal na EPIRA Law (Electric Power Industry Reform Act).

Partikular ay kung labag nga ba sa saligang-batas ang Section 6 at 29 ng EPIRA na nagsasabing hindi public utilities ang power generation at supply sector kaya’t hindi maaaring pakialaman ng Energy Regulatory Commission (ERC) ang singil na ipinapataw ng mga ito.

Magugunitang hiniling ng Bayan Muna na ipawalang-bisa ang naturang mga probisyon dahil ito umano ang ginagawang basehan ng walang pakundangang mga singil sa kuryente.

Bubusisihin din sa oral arguments kung labag nga ba sa due process ang pagpayag sa otomatikong adjustment o pagtaas ng generation charge.

Aalamin din kung nangangahulugan ito na isinuko na ng ERC ang kanilang obligasyon na i-regulate ang presyo ng kuryente.

Pag-uusapan din kung labag nga ba sa due process ang pag-apruba ng ERC sa mahigit apat na pisong dagdag-singil sa kuryente ng MERALCO, at kung labag ito sa mandato ng ERC na protektahan ang mga consumer sa pang-aabuso ng mga power company.

Kalahating oras ang inilaan sa mga grupo upang ilahad ang kanilang mga argumento.

Pinadadalo rin ng Korte Suprema sa oral arguments sina Energy Secretary Jericho Petilla, ERC Chairperson Zenaida Ducut, at Philippine Electricity Market Corporation President Melinda Ocampo.

Ayon sa korte, kakailanganin ang nabanggit na mga opisyal sakaling may mga paglilinaw sa mga proseso ng kanilang opisina. (Roderic Mendoza / Ruth Navales, UNTV News)

Singil sa kuryente ng Meralco bababa ngayong Enero

Robie de Guzman   •   January 10, 2022

MANILA, Philippines – Magpapatupad ng bawas sa singil sa kuryente ang Manila Electric Company (Meralco) para sa buwan ng Enero.

Ayon sa Meralco, P0.07 kada kilowatt hour (kWh) ang ibababa sa singil sa kuryente.

Katumbas ito ng P15 na bawas sa electric bill ng mga customer na kumukonsumo ng 200kWh kada buwan.

Nasa P24 naman para sa mga gumagamit ng 300kWh, P30 para sa 400kWh, at P37 para sa mga kumukonsumo ng 500kWh.

Ayon sa Meralco, ang bawas singil ay bunsod ng pagbaba ng presyo ng generation charge.

 

Singil sa kuryente ng Meralco muling tataas ngayong Disyembre

Robie de Guzman   •   December 10, 2021

MANILA, Philippines – Muling tataas ang singil sa kuryente ng Manila Electric Company (Meralco) ngayong buwan.

Sa abiso ng kumpanya, nasa P0.314 kada kilowatt hour (kWh) ang madaragdag sa singil sa kuryente dahil sa mataas na presyo ng generation charge.

Ibig sabihin, tataas ng P62 ang bill sa kuryente ng mga kumukonsumo ng 200 kWh kada buwan, P93 sa 300 kWh, P134 sa 400 kWh, at P155 sa mga gumagamit ng 500 kWh kada buwan.

Ito na ang ika-siyam na magkakasunod na buwan ng pagpapatupad ng dagdag-singil ng Meralco.

Meralco to implement series of rate increases due to Malampaya shutdown

Maris Federez   •   November 15, 2021

MANILA, Philippines — Another price rate increase awaits Manila Electric Company (Meralco) consumers this November.

Meralco, in a recent advisory, announced that it will implement a series of rate increases to start this month until March next year.

Meralco said this is due to the 20-day maintenance shutdown of the Malampaya Natural Gas Facility last October.

The rate increase that will be imposed this month is pegged at Php0.32 per kilowatt-hour.

The next increase which is at Php0.13 per kilowatt-hour will be applied from December to March.

Meralco clients consuming up to 200-kilowatt hours per month will have a P65 increase reflected in this month’s bill.

Those who consume 300 and 500-kilowatt hours per month will have Php97 and Php162 increases, respectively. —/mbmf

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.