Hepe ng Bato, Catanduanes police, tinanggal sa pwesto dahil sa comment sa Paniqui killings

Robie de Guzman   •   December 22, 2020   •   3017

Police Capt. Ariel Buraga

MANILA, Philippines – Inalis na sa pwesto ang hepe ng Bato Municipal Police Station sa Catanduanes kasunod ng komento nito sa social media kaugnay ng nangyaring pamamaril ng isang pulis sa mag-ina sa Paniqui, Tarlac noong Linggo.

Ayon kay Bato Mayor Juan Rodulfo, hiniling niyang maalis sa posisyon si Police Capt. Ariel Buraga dahil hindi niya maaaring palagpasin ang aniya’y iresponsable nitong mensahe na ipinaskil sa kanyang social media account.

“Para sa isang police na mag-post ka ng ganon at sumagot doon sa comments na ganon po na nagreact, marami po ang nagreact. So nagdecide po ako kaagad na magrequest ng another chief of police para po sa aming bayan,” ang wika ni Rodulfo.

Si Buraga ay pinalitan sa puwesto ni Police Lieutenant Fidel Romero Jr.

Ayon sa Catanduanes Provincial Police Office (CATPPO), iniimbestigahan na si Buraga dahil sa naging komento nito sa social media na tila sinisi pa ang inasal ng mga biktima na aniya’y kawalang-galang sa mga otoridad kaya nangyari ang pamamaril.

Umani ng negatibong reaksyon mula sa internet users ang post ni Buraga.

“Asahan pong pananagutin ng pamunuan ang anomang paglabag mula sa hanay ng kapulisan sa probinsya,” ang pahayag ni Police Major Edgar Clerigo, hepe ng CATPPO Police Community Affairs.

Tumanggi nang magbigay ng reaksyon si Buraga dahil sa nagpapatuloy na imbestigasyon sa kanya ngunit una na nitong sinabi na wala siyang masamang intension sa kanyang post sa social media.

“Pero hindi ko sinasabi o kinakampihan na tama yung ginawa ng pulis. Mali yung ginawa ng pulis doon sa pagpatay. Maling mali talaga doon,” ang wika ni Buraga.

“Ang pino-point out ko lang naman dito is yung sabi ko sana kahit may edad na yung isang tao ay dapat talaga magkaroon pa rin siya ng respeto sa ating mga kapulisan, kasi iyan na ngayon yung parang nawawala  na sa atin ngayon, yung pagrespeto natin sa ating mga kapulisan,” dagdag pa niya. RRD (mula sa ulat ni Correspondent Dan Gersalia)

Mahigit sa 8,000 pamilya sa Catanduanes inilikas dahil sa bagyong ‘Bising’

Robie de Guzman   •   April 19, 2021

Umabot sa kabuuang 8,205 pamilya o 32,491 indibiduwal ang inilikas sa Catanduanes dahil sa pananalasa ng bagyong Bising.

Karamihan sa mga inilikas na residente ay mula sa coastal areas at mga lugar na lantad sa banta ng pagbaha at pagguho ng lupa.

Sa ulat ni UNTV Correspondent Dan Gersalia sa programang Ito Ang Balita, halos dalawang araw nang nararamdaman sa Catanduanes ang mga pag-ulan at hanging dala ng bagyo.

May ilang insidente na rin ng minor landslide ang naitala, maging ang pagtaas ng antas ng tubig sa mga ilog sa ilang bahagi ng Catanduanes.

Sa bayan ng San Andres, may ilang poste na rin ng kuryente ang natumba habang wala namang supply ng kuryente sa ilang bahagi ng lalawigan matapos itong putulin mula pa noong Linggo ng tanghali bilang paghahanda sa bagyo.

Sa bayan ng Virac, may ilang lugar ding nawalan ng supply ng tubig bilang bahagi ng preventive shutdown measures ng water service provider.

Gumagana naman ang mga linya ang komunikasyon sa lalawigan.

Tiniyak ng lokal na pamahalaan na patuloy ang pamamahagi ng ayuda sa mga pamilyang inilikas dahil sa bagyong Bising.

Ang Catanduanes ay nasa ilalim ng Tropical Cycline Wind Signal number two, pati na ang ilang bahagi ng Camarines Sur, Albay, Sorsogon, Northern Samar, at Samar at Eastern Samar.

Nakataas naman ang Signal Number One ilang bahagi ng Cagayan, Isabela, Quirino, Aurora, Quezon kabilang na ang Polillo Islands, Camarines Norte, Masbate kabilang na ang Burias at Ticao Islands, Biliran, Leyte, at ang nalalabing bahagi ng Camarines Sur, Albay, Sorsogon, Samar at Eastern Samar, pati na ang dulong bahagi ng Cebu kabilang na ang mga isla ng Bantayan at Camotes.

Ayon sa PAGASA, maaaring makaranas ng malalakas na pag-ulan hanggang sa araw ng Martes ang mga rehiyon ng Bicol at Northern Samar pati na ang ilang bahagi ng Aurora at mainland Cagayan at Isabela.

Sa pagtaya ng PAGASA, maaaring kumilos lumayo ang bago sa kalupaan ng Luzon  sa araw ng Miyerkules o Huwebes.

Typhoon Bising slightly weakens; Signal #2 remains over Bicol region

Marje Pelayo   •   April 18, 2021

MANILA, Philippines – Typhoon Bising has slightly weakened and decelerated while moving west-northwestward over the Philippine Sea east of Catanduanes, the state weather bureau PAGASA said Sunday (April 18).

Tropical cyclone wind signal number (TCWS) #2 remains hoisted over Catanduanes in Luzon and Northern Samar, Eastern Samar, and Samar in the Visayas.

This means, winds of greater than 61 km/h and up to 120 km/h may be expected in at least 24 hours.

Meanwhile, TCWS#1 is in effect over the following areas:

Luzon

The eastern portion of Camarines Norte (San Lorenzo Ruiz, San Vicente, Vinzons, Talisay, Daet, Mercedes, Basud), Camarines Sur, Albay, Sorsogon, and Masbate including Burias and Ticao Islands

Visayas

Biliran, Leyte, Southern Leyte, and the northern portion of Cebu (Tabogon, Borbon, San Remigio, Bogo City, Medellin, Daanbantayan) including Bantayan and Camotes Islands

Mindanao

Dinagat Islands, Siargao Islands, and Bucas Grande Islands

These areas under TCWS#1 will experience winds of 30km/h to 60km/h in at least 36 hours or intermittent rains within 36 hours.,

Based on PAGASA’s forecast track, typhoon Bising will begin to move slowly towards the northwest direction over the Philippine Sea east of Bicol Region until Monday early morning (April 19).

The typhoon will then move generally northward until Tuesday afternoon (April 20) before turning north northwestward while over the Philippine Sea east of Cagayan Valley.

By Wednesday early morning, the typhoon is forecast to turn northeastward or east northeastward away from the landmass of Luzon.

The typhoon is forecast to gradually weaken throughout the forecast period.

At 4:00 p.m. Sunday (April 18), Typhoon Bising was located at 290 km East of Virac, Catanduanes, packed with maximum sustained winds of 205 km/h near the center and gustiness of up to 250 km/h while moving west northwestward at 15 km/h.

Trekking activities sa Mt. Pinatubo, ipinagbawal muna

Robie de Guzman   •   March 4, 2021

Pansamantalang ipinagbawal ng lokal na pamahalaan ng Capas, Tarlac ang lahat ng tourism at trekking activities sa Mt. Pinatubo matapos itaas ng Philippine Institute of Volcanology and Seismology (Phivolcs) ang alerto sa bulkan.

Inanunsiyo ito ni Capas Mayor Reynaldo Catacutan ngayong Huwebes matapos itaas ng Phivolcs ang alert level 1 sa Mt. Pinatubo kasunod ng mahigit sa 1,000 mahihinang pagyanig sa paligid ng bulkan.

“Bawal muna po lahat ng trekking, bawal muna po lahat ng turista sa Mt. Pinatubo. So wala munang papasok sa crater ng Mt. Pinatubo dahil tayo po ay itinaas sa alert level 1 ng Phivolcs,” ang pahayag ni Catacutan.

Nitong Enero lang bahagyang binuksan ang trekking activities sa bulkan upang kahit papaano ay makabawi ang lokal na ekonomiya sa gitna ng pandemya.

Sa muling pagsasara ng trekking tourism, apektado ang kabuhayan ng mga tour guide, transient home owners at mga driver ng pinaarkilahang 4×4 vehicles.

Samantala, pinawi naman ng lokal na pamahalaan ang pangamba ng mga nakatira malapit sa bukana ng bulkan.

“Huwag po kayong mag-alala mga kababayan, ito po ay maliit na pagalaw lamang sa ilalim ng crater ng Mt. Pinatubo at halos hindi po ramdam sa kanayunan o sa barangay o mga Aeta village sa taas,” ang pahayag ni Catacutan.

“Huwag lang tayong mag-alala. Ang gawin po natin ay dagdagan po natin ng ating panalangin. Sana ito ay hindi na po lumala at upang hindi na po natin muling maranasan ang klase ng pagputok ng Mt. Pinatubo noong 1991, 29 years ago,” dagdag pa niya.

Taong 1991 nang huling pumutok ang Mt. Pinatubo na itinuturing na pangalawa sa pinakamalakas o pinakamalaking pagsabog ng bulkan sa buong mundo sa nakalipas na 100 taon.

Mahigit sa 800 katao ang napaulat na nasawi sa nasabing pagsabog ng bulkan. – RRD (mula sa ulat ni Correspondent Bryan Lacanlale)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.