DOH, may paalala sa mga magulang o guardian ng mga batang babakunahan vs COVID-19

Robie de Guzman   •   October 14, 2021   •   99

MANILA, Philippines – Handa na ang Department of Health (DOH) para sa gagawing pagbabakuna kontra COVID-19 sa Biyernes ng mga batang may edad 12 hanggang 17.

Ayon sa DOH-National Capital Region (NCR) director Dr. Gloria Balboa, nagsasagawa na sila ng simulation exercise para sa pilot vaccination.

Noong Miyerkules idinaos ang simulation sa Philippine General Hospital (PGH) at National Children’s Hospital habang ngayong araw naman ang sa anim pang ospital na kasali sa pilot pediatric vaccination program.

“Kahapon na-deliver na ang bakunang gagamitin, its Pfizer,” ani Balboa.

“Very important din iyong cold chain, iyong storage nila kasi kailangan itong Pfizer merong ultra low freezer… Ang isang tray kasi is 1,170 doses times 8 iyon,” dagdag pa niya.

Prayoridad na mabakunahan ang mga batang may co-morbidities.

Batay sa inilabas na listahan ng DOH, ang mga menor de edad na kailangang mabigyan ng COVID-19 vaccine shot ay may medical complexity, genetic conditions, neurologic conditions, metabolic/endocrine, cardiovascular diseases, obesity, hiv infection, tuberculosis, chronic respiratory disease, renal disorders, at hepatobiliary.

Paglilinaw ng DOH, ang mga babakunahang bata sa mga ospital ay mga pasyenteng may record na rin sa kanila kahit saang local government unit pa sila nasasakop.

Ani Balboa, layunin nito na mas mapadali ang monitoring sa mga bata.

“We really have to be very careful kasi hindi pa natin alam ano maigiging epekto talaga ng bakuna with them because of the comorbidities na meron sila,” dagdag pa niya.

Sa ikalawang linggo aniya ng pilot implementation ay maaari nang tumanggap ng mga batang magpapabakuna kahit hindi sila pasyente sa naturang ospital.

Una nang naglabas ng guidelines ang DOH para sa COVID-19 vaccination ng mga menor de edad.

Gaya ng adult vaccination, dapat ay dumaan sa ang mga bata registration, screening at assessment ng kanilang kondisyon.

Bago ang aktwal na pagbabakuna, kailangang kasama ng bata ang magulang o guardian na siyang pipirma sa informed consent and assent form na ibibigay ng ospital.

Mahalaga ang assent ng mga bata upang matiyak na hindi sila pinilit na mabakunahan kontra COVID-19

Paalala rin ng DOH na may requirements na dapat maiprisinta bago ang pagbabakuna gaya ng medical certificate bilang patunay na may comorbidity ang bata. Ito ang magsisilbing clearance mula sa kanilang pediatrician.

Kailangan ding dalhin ang dokumento na magpapatunay ng filiation o relasyon ng bata sa kasama niyang adult sa araw ng pagpapabakuna.

Pagkatapos mabakunahan ay isasailalim sa monitoring ang mga bata upang makita ang epekto ng COVID-19 vaccine sa kanilang kalusugan.

May reporting system din sa Food and Drug Administration ng mga batang makararanas ng adverse events following immunization (AEFI).

Bukod sa PGH at National Children’s Hospital, idaraos rin ang pediatric vaccination sa mga sumusunod na ospital:

  • Philippine Heart Center
  • Pasig City Children’s Hospital
  • Fe Del Mundo Medical Center
  • Philippine General Hospital
  • Makati Medical Center
  • St Luke’s Medical Center (Taguig)

Ayon kay Health Undersecretary Maria Rosario Vergeire, 400 o 50 bata kada araw ang target na mabakunahan sa bawat ospital.

Ayon sa DOH, 12.7 million na mga batang Pilipino na may comorbidities ang eligible para sa pagbabakuna kontra COVID-19. – RRD (mula sa ulat ni Correspondent Aiko Miguel)

COVID-19 vaccination sa mga bata, palalawigin sa 13 ospital sa Metro Manila – DILG

Robie de Guzman   •   October 18, 2021

MANILA, Philippines – Mula sa walong ospital ay palalawigin pa sa 13 ospital sa Metro Manila ang isinasagawang pediatric vaccination kontra COVID-19, partikular sa mga batang may edad 12 hanggang 17 at may co-morbidity.

Ayon kay Department of the Interior and Local Government (DILG) Undersecretary Jonathan Malaya, tinukoy na ng ilang local government unit (LGU) ang mga ospital na isasama na rin sa listahan ng mga pinagdarausan ng pagbabakuna.

Magsisimula aniya ang expansion sa ika-22 ng Oktubre.

“Ngayon naman po ay pupunta naman po tayo sa mga LGU-based hospitals ‘no and magdaragdag po ng thirteen additional local hospitals doon sa mga ospital na nagsimula na sa national ‘no,” ani Malaya.

“So, ito po ay magsisimula ngayong Friday hanggang October 31. So, ang bawat LGU po ay nag-identify ng isang local hospital para maisama sa pilot ng pediatric vaccination,” dagdag pa niya.

Kabilang sa mga ospital na idaragdag sa vaccination site ay ang Caloocan Medical Center, Ospital ng Parañaque, at ang Pasay General Hospital.

Ang walong ospital na kasalukuyang pinagdarausan ng pagbabakuna ay ang Philippine Children’s Medical Center,
National Children’s Hospital, Philippine Heart Center,
Pasig City General Hospital,
 Fe Del Mundo Medical Center,
 Philippine General Hospital,
 Makati Medical Center at ang St. Luke’s Medical Center sa Taguig.

Paalala ng mga otoridad sa mga magulang na nais pabakunahan ang kanilang mga anak na may co-morbidity na makipag-ugnayan sa nakakasakop na LGU at magpakita ng mga kaukulang dokumento, pati na ang parent consent.

Mula a-16 ng Oktubre ay nasa 1,509 bata na ang nakatanggap ng COVID-19 shots batay sa ulat ng Department of Health.

DOH: 1,509 minors with health risks vaccinated vs COVID-19 in first week

Robie de Guzman   •   October 18, 2021

MANILA, Philippines ­– A total of 1,509 children aged 12 to 17 with co-morbidities were vaccinated in the first week of the pilot implementation of the COVID-19 pediatric vaccination in Metro Manila, the Department of Health (DOH) said Monday.

Health Undersecretary Maria Rosario Vergeire said, the pilot vaccination was successful based on a three-day assessment they conducted.

Vergeire noted that four minors who received the shots reportedly experienced side effects but added that these are still being verified and assessed.

“Isang bata na nagkaroon ng pagtaas ng presyon but after 2 hours they were able to manage it, naging normal na. May nagkaroon ng allergic reaction but it was managed,” she said.

“May dalawang stress-related doon sa immunization, may anxiety sa pagbabakuna. Let me caution all of you, it’s not official yet,” she added.

Vergeire assured they are closely monitoring the condition of minors inoculated with COVID-19 vaccine.

The COVID-19 vaccination for the pediatric population was launched on Oct. 15 in eight hospitals in Metro Manila, namely:

  • Philippine Children’s Medical Center
  • National Children’s Hospital
  • Philippine Heart Center
  • Pasig City General Hospital
  • Fe Del Mundo Medical Center
  • Philippine General Hospital
  • Makati Medical Center
  • Luke’s Medical Center (Taguig)

The following medical conditions would make children aged 12 to 17 years old eligible for vaccination against COVID-19:

  • Medical complexity
  • Genetic conditions
  • Neurologic conditions
  • Cardiovascular disease
  • Metabolic/endocrine
  • Obesity
  • HIV infection
  • Tuberculosis
  • Chronic respiratory disease
  • Renal disorder
  • Hepatobillary

Vergeire earlier said that children participating in the pilot COVID-19 vaccination program should be well-informed and must get clearance from their doctors.

 

Rollout ng 3rd COVID-19 vaccine dose, pinaghahandaan na – DOH

Robie de Guzman   •   October 18, 2021

MANILA, Philippines – Tiniyak ng Department of Health (DOH) na pinaghahandaan na nito ang roll out ng ikatlong dose ng COVID-19 vaccine para sa mga health worker (A1), senior citizen (A2) at immunocompromised individuals (A3).

Ayon kay Health Undersecretary Maria Rosario Vergeire, ang hakbang na ito ay batay sa rekomendasyon ng Strategic Advisory Group of Experts on Immunization ng World Health Organization (WHO) na pagbibigay ng dagdag na COVID-19 vaccine shot sa mga nabanggit na grupo na tumanggap ng Sinovac at Sinopharm brands.

Ngunit para maisagawa ito, sinabi ni Vergeire na kailangang maamyendahan ang emergency use authorization ng mga bakuna sa bansa na ang nakasaad na dosing regimen ay dalawa lamang, at isa naman para sa Janssen vaccine.

“Mangyayari lang po iyan kapag nakapaglabas ang Food and Drug Administration ng emergency use authority. Kung matatandaan natin, ang EUA natin para sa mga bakunang meron tayo ay para lang sa pirimary series natin. Ibig sabihin, dalawang doses for most of the vaccine, and sa isang bakua natin Janssen, it’s just one dose, to get fully vaccinated,” ani Vergeire.

Ipinaliwanag rin ng DOH ang kaibahan ng third dose sa booster dose ng bakuna.

Ani Vergeire, ang third dose ay ibinibigay para sa grupo o populasyon ng mga taong mataas ang risk ng infection at walang sapat na immunity kaya nangangailangan sila ng isa pang dosing regimen ng kanilang natanggap na bakuna.

“Third dose, ito ay ibinibigay as part of the primary series. Kung matatandaan niyo in our list of vaccines that we currently use katulad ng Hepatitis B at iba pa nating bakuna, tatlong doses sila,” paliwanag ni Vergeire.

“As the evidence grow further na nabigyan ng kumpletong ebidensya, naipakita ng bakuna na kapag binigyan ng third dose mas nabo-boost ang immune response ng tao and that is the additional dose,” dagdag pa niya.

Ang booster dose naman ay ibinibigay ilang buwan pagkatapos ng primary dosing kapag bumaba na ang immunity ng isang nabakunahan nito.

“When we talk about boosters, itong nakareceive na ng primary series ng bakuna, ibig sabihin fully vaccinated na at naka-receive na ng dalawang dose o di kaya Janssen ang nakuha mo naka-receive ka na ng isang dose,” ani Vergeire.

Hanggang ngayon aniya ay pinag-aaralan pa ng mga eksperto ang pagbibigay ng booster shot.

Wala rin pang rekomendasyon ang WHO ukol rito lalo’t limitado pa rin ang supply ng COVID-19 vaccines.

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.