MANILA, Philippines – Hinimok ng Department of Health (DOH) ang publiko na gawing ligtas ang pagdiriwang ng holiday season sa pamamagitan ng pagsasagawa ng party o pagtitipon online o kaya ay sa labas ng bahay.

Ayon sa DOH, mas mataas ang tiyansa ng hawaan ng virus kung magtitipon ang mga tao sa lugar na kulob at walang maayos na bentilasyon.

Kung may bisitang kamag-anak o mga kaibigan, mas makakabuting outdoor activities ang gawin.

Kung hindi naman kaya ang outdoor celebration ay maaari pa rin namang sa loob ng bahay basta’t nakabukas ang bintana, pintuan at bentilador upang maging maayos ang air flow o daloy ng hangin.

Payo rin ni Dr. Dominic Maddumba, ang OIC-Division chief ng DOH Campaign Strategy Management Division Health Promotion Bureau, dapat ring maglagay ng hand sanitizing station sa lugar kung saan gagawiun ang salu-salo.

“Ngayon pong kapaskuhan ay sulitin an po natin iyong malamig na simoy ng hangin at papasukin natin upang maproteksyonan din tayo at maiwasan ang pagkahawa sa COVID-19,” ani Maddumba.

“Kung naka-aircon, mas mainam na may hepa filters para sa dagdag na proteksyon para sa inyong kasama, kaibigan at kapamilya,” dagdag pa niya.

Paalalahan rin ang lahat ng dadalo na isuot ng maayos ang kanilang face mask at panatilihin ang pagkakaroon ng physical distancing.

Upang makaiwas naman sa posibilidad na mahawa ng COVID-19, sinabi ng DOH na mas mainam pa ring online na lang gawin ang selebrasyon habang may pandemya para na rin sa kaligtasan ng pamilya. (mula sa ulat ni Correspondent Aileen Cerrudo)

Ipinapasuri na ng Department of Health (DOH)-Western Visayas kung maaari pang gamitin ang nasa 24,000 doses ng AstraZeneca COVID-19 vaccine na nag-expire noong November 30.

Bahagi ito ng libu-libong supply ng AstraZeneca vaccine na ipinadala sa Western Visayas noong buwan ng Oktubre.

Nasa 45,000 doses sa mga ito ang ipinadala sa Negros Occidental noong Nobyembre 8. Batay sa ulat ng provincial government, 14,920 doses pa ang natitira sa mga ito at hindi nagamit hanggang sa mag-expire noong Nobyembre 30.

Ayon kay Negros Occidental provincial administrator Atty. Rayfrando Diaz II, hindi ginamit ang mga nasabing bakuna dahil tumanggi umano ang mga local government unit (LGU) na tanggapin ito dahil sa nalalapit na expiration date.

“We value our vaccines. We want to use them. We do not delay, but we value more the vaccinees. We don’t want to inject vaccines that are about to expire,” ani Diaz.

Ang natitirang 10,000 doses naman ay nasa iba’t ibang lokalidad.

Ayon sa DOH regional office, ipinasasauli na nila ang mga nasabing bakuna upang masuri kung maaari pa itong gamitin.

Ayon kay Bea Camille Natalaray, ang tagapagsalita ng DOH Region 6, hihingan rin ng paliwanag ang concerned LGUs kung bakit hindi nagamit ang nasabing supply.

“Magpapasa sila ng incident report to explain bakit hindi nila na-utilize ang vaccine within the period of time. Ano ang mga factors konoconsider para next time maging part na siya ng ating mga guidelines or protocols or strategies,” ani Natalaray.

Sa ngayon ay hinihintay pa ng DOH-6 ang magiging desisyon ng central office kung dapat bang managot ang mga LGU sa pagkasira ng mga bakuna. (mula sa ulat ni Correspondent Lalaine Moreno)

MANILA, Philippines – More than 2.5 million individuals were inoculated against COVID-19 on the first day of the government’s three-day nationwide vaccination drive, a Department of Health (DOH) official said Tuesday.

In a public briefing, DOH Undersecretary Myrna Cabotaje said a total of 2,554,023 doses of COVID-19 vaccines were administered on Monday.

This is 2.5 times the daily average last week, she added.

Of the total doses, the biggest chunk was administered in Calabarzon, followed by Central Luzon, Western Visayas, and Bicol regions.

Cabotaje, who also chairs the National Vaccination Operations Center, noted that the only “major challenge” they encountered in the first day of the vaccination drive were reports that some walk-ins at vaccination sites were not given the shots.

“Meron pong direktiba ang ating Presidente to vaccinate everyone… We allow walks-ins. Dapat po, walang uuwi na nakapila na hindi nabakunahan,” she said.

The government on Monday kicked off its three-day vaccination campaign, dubbed as “Bayanihan, Bakunahan” program, which aims to inoculate around 9 million people.

The campaign will end on Wednesday, December 1.

The National Task Force (NTF) against COVID-19 earlier said the vaccination drive will only be the first leg of the program, which is focused on scaling up the inoculation rate of local government units for the first vaccine dose by covering up to 70% of their target populations.

The second leg of the vaccination event will be held from December 15 to 17, which will focus on ramping up the number of fully vaccinated individuals to achieve the government’s target of fully vaccinating at least 54 million Filipinos by year-end.