ALAMIN: Mga paraan upang maprotektahan ang bawat tahanan vs COVID-19

Robie de Guzman   •   April 1, 2020   •   1267

MANILA, Philippines – Sa ilalim ng ipinatutupad na enhanced community quarantine, limitado ang kilos ng mga tao at pinapayuhan ang lahat na manatili lamang sa bahay upang mapigilan ang lalo pang pagkalat ng novel coronavirus disease (COVID-19).

Ngunit may mga pagkakataong kailangan mong lumabas ng bahay upang magtrabaho o kaya ay bumili ng mga pangunahing pangangailangan ng iyong pamilya.

Paano mo masisigurong sa iyong pagbalik ay hindi mo maipapasok sa inyong tahanan ang mapanganib na coronavirus?

  • Bago umalis, magdala ng alcohol o hand sanitizer.

Ipinapayo ng Department of Health (DOH) ang pagdadala ng alcohol o hand sanitizer kapag lalabas ng bahay. Gamitin ito na panlinis ng kamay kung walang magagamit na malinis na tubig at sabon sa paghuhugas ng kamay.

  • Habang nasa labas ng bahay, huwag hawakan ang iyong mukha.

Kung namimili o bumibiyahe, dapat iwasan ang paghawak sa iyong mata, ilong at iba pang bahagi ng mukha lalo na kung may ibang bagay ka nang nahawakan. Ito ay upang huwag pumasok sa iyong katawan ang virus na maaaring nasa iyong kamay.

  • Hubarin ang sapatos bago pumasok ng bahay.

Pagkauwi, agad hubarin ang suot na sapatos at mag-spray ng alcohol sa swelas nito bago pumasok ng bahay. Mas maiging ilagay ang sapatos sa itinalagang lugar sa labas ng bahay o malapit sa pintuan.

  • Hubarin ang isinuot na damit at agad labhan.

Pagpasok sa loob ng bahay, hubarin ang iyong damit at ilagay sa hiwalay na laundry bag. Agad itong labhan gamit ang tubig, sabong panlaba at kaunting bleach.

Kung ikaw ay medical worker at galing ka sa trabaho sa ospital, mainam na mag-disinfect ka muna bago pumasok sa loob ng inyong bahay. Ito ay upang maprotektahan ang iyong pamilya mula sa mga mikrobyo.

Kung gumamit ng personal protective equipment (PPE) tulad ng gloves at face mask, sinabi ng DOH na dapat itong ilagay sa isang selyadong bag bago itapon sa hiwalay na basurahan. Tiyaking nakasara ang pinaglagyan ng PPEs sa loob ng 72 oras bago iwanan sa labas ng bahay upang makulekta.

  • Itabi sa isang lalagyan at linisin ang lahat ng gamit na dinala sa labas ng bahay.

Ilagay ang bag, susi, barya at iba pang gamit na dinala sa labas sa itinalagang lugar o kahon malapit sa pintuan.

Ayon sa DOH, dapat linisin ang mga ito pati na ang ginamit mong bag sa pamamagitan ng pag-spray ng bleach na may halong tubig o 70% alcohol solution.

  • Maglagay ng sanitizer sa pintuan ng bahay.

Upang masigurong wala kang maipapasok na mikrobyo sa inyong tahanan, ipinapayo ng DOH ang paglalagay ng alcohol o sanitizer malapit sa pintuan ng bahay at linisin muna ang kamay bago pumasok sa bahay.

Kung hindi pa nakakapaglinis ng kamay, huwag munang hawakan ang mga bagay sa loob ng bahay.

  • Agad maligo pagdating sa bahay.

Ayon sa DOH, dapat hugasan ng mabuti at sabunin ang lahat ng parte ng katawan na nakalantad sa ere tulad ng kamay. Kuskusin rin ng mabuti ang katawan.

  • Maglinis at mag-disinfect ng bahay

Ugaliing maglinis at mag-disinfect lalo na ng mga bagay na madalas hawakan sa inyong bahay gaya ng doorknob.

Bago simulan ang disinfection, magsuot ng gloves upang maprotektahan ang inyong kamay mula sa mga kemikal.

Sa pagdi-disinfect ng mga kasangkapan, maaaring gumamit ng karaniwang chemical disinfectants sa bahay tulad ng alcohol, at bleach o chlorine solutions. Ihanda ito sa isang well-ventilated na lugar.

Mag-ingat sa paggamit ng disinfectants at iwasang malagyan ang mga mata, bibig at balat. Basahin ring maigi ang instructions sa paggamit nito.

Tiyaking maghugas ng kamay pagkatapos gumamit ng chemical disinfectant.

Payo ng health experts, patuloy na gawin ang mga hakbang na ito upang maiwasang mahawa sa mga sakit lalo na sa COVID-19.

Ugaliin ring maghugas ng kamay, sumunod sa patakaran ng social distancing, takpan ang ilong at bibig kung uubo o babahing.

Kung may sakit, mas maiging magpahinga at huwag umalis ng bahay, Kung kailangang lumabas ay magsuot ng face mask upang mabawasan ang panganib ng pagpasok ng COVID-19 sa inyong tahanan.

Provincial buses sa PITX, hindi bumiyahe sa kabila ng pagbubukas ng mga ruta

Robie de Guzman   •   September 30, 2020

MANILA, Philippines – Hindi pumasada ang ilang provincial bus units na naka-terminal sa Parañaque Integrated Terminal Exchange (PITX) kahit binuksan na ng Land Transportation Franchising and Regulatory Board (LTFRB) ang 12 ruta para sa mga pampasaherong bus.

Ayon sa Provincial Bus Operators Association, nakikipag-pulong pa sila sa LTFRB at sa terminal operators dahil sa anila’y hindi pa malinaw na sistema, partikular na sa bayan ng Sta. Cruz, Laguna.

Ayon kay Alex Yague, ang pinuno ng grupo, nagbago ng mga kondisyon ang lokal na pamahalaan ng Sta. Cruz hinggil sa pagbiyahe ng mga pampasaherong bus kaya’t kailangan pa itong muling pag-usapan, partikular na ang isyu sa hatian ng 150 pasahero na papayagang pumasok sa loob ng isang araw.

Nais ring klaruhin ng provincial bus operators ang pag-oobliga sa kanilang mga unit na dumaan sa Skyway at NAIA Expressway upang makarating sa PITX.

Ayon kay Yague, panibagong gastusin ito para sa mga operator gayong limitado lang ang maaari nilang isakay na pasahero.

“As of today, hindi pa handa. Kapag na-klaro na yung tungkol sa pasahero, yung requirements ng travel pass at magkakaroon ng unawaan sa Central termjnal management within the next fee day, ma-iron out natin ang problema,” ang wika ni Yague.

Sa panig naman ng PITX, tiniyak ng pamunuan nito na handa ang terminal sakaling bumiyahe na ang provincial buses.

“Kami po ay handa, ready po kami tumanggap ngunit nakikipag-ugnayan pa rin tayo dito sa mga bus operators upang siguraduhin kung ano yung mga kinakailangan sa pagbiyahe dito,” ang pahayag ni Jayson Salvador, ang manager ng PITX.

Sinabi rin ni Salvador na makikipag-ugnayan sila sa National Capital Region Police Office para sa pagtatalaga ng mga pulis sa terminal para sa mas madaling proseso ng pagkuha ng travel pass ng mga pasahero. – RRD (mula sa ulat ni Correspondent Joan Nano)

PUV drivers, establishment workers and vendors in Manila to get free swab testing

Robie de Guzman   •   September 30, 2020

MANILA, Philippines – Public utility vehicle (PUV) drivers, market vendors and employees of various establishments in the Philippine capital will be provided with free RT-PCR tests, the Manila City government said Wednesday.

In a statement, the city’s public information office said Manila Mayor Francisco “Isko Moreno” Domagoso issued the order which will cover employees of malls, hotels, restaurants and supermarkets, and vendors in public markets as well as drivers of e-trikes, pedicabs, tricycles, jeepneys and buses operating in the city.

Under Domagoso’s Executive Order No. 39, the Manila Health Department was tasked to provide free swab tests to said workers.

The order follows the launch of Sta. Ana Hospital’s second molecular laboratory, which has the capacity to process around 1,000 tests daily. The additional laboratory will raise the hospital’s test processing capacity to 30,000 a month.

“The real threat of COVID-19 will continue to persist in our community, thereby sending fear to every person of getting infected with it. This fear will affect not only the individual preferences and behavior or every person, but also the economic growth (of the city),” Domagoso said.

“In order to allay the fear of getting infected with COVID-19, there is a need to assure the public that employees of these frequently visited establishments are COVID-19 free and thus spur economic activities,” he added.

Mayor Isko also directed the Manila Bureau of Permits and Licensing Office, the Department of Tourism, Culture and Arts of Manila, and the Manila Traffic and Parking Bureau to “require establishments under their jurisdiction to require filling up mandatory health declaration forms for contact tracing purposes.”

Quezon City mayor cancels city hall parties, to donate funds

Robie de Guzman   •   September 29, 2020

Parties for all offices under the Quezon City government during the holidays will no longer be held this year amid the continuing novel coronavirus disease (COVID-19) pandemic, Quezon City Mayor Joy Belmonte said Tuesday.

A statement released on Tuesday said Belmonte has issued a memorandum directing all offices under the city hall to cancel parties scheduled in December and instead ordered them to donate the funds to underprivileged groups.

“The money that would have been spent on office Christmas parties would do more good as donations to the underprivileged during this extraordinarily difficult time in our nation’s history,” Belmonte said in a statement.

The local chief executive stressed that “it would be inappropriate for offices of the city government to hold customary Christmas parties while many of its citizens are experiencing hardships due to the coronavirus disease 2019 (COVID-19) pandemic.”

Instead of holding parties, she urged city hall employees to adopt an underprivileged sector— such as the urban poor, displaced workers, jeepney drivers, street vendors, indigent children, and poor senior citizens— and to modestly celebrate the season in their homes.

TAGS   

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.