7,000 kilos of endangered clams, hot lumber seized in Northern Samar

Robie de Guzman   •   October 28, 2021   •   197

A total of 7,000 kilograms of endangered fossilized and fresh clams, also known as taclobo, were confiscated in an operation in Sipalay City, Negros Occidental, the Philippine National Police (PNP) said Thursday.

In a statement, the PNP said the clams amounting to P490,000 were seized by operations from its maritime group in Barangay Cayhagan last Oct. 26.

The operation also yielded the arrest of two suspects.

In another operation, police officers seized hot lumber worth more than P400,000 at a checkpoint in Allen, Northern Samar.

The PNP said a 10-wheeler reefer van, driven by one Jan Richard Ballosa, contained the lumber.

The police arrested the driver after allegedly failing to show the necessary documents indicating he was authorized to transport more than 400 pieces of lumber.

Criminal charges against the suspects in the two incidents are already being readied, the PNP said.

PNP chief Police General Guillermo Eleazar reminded the public about existing laws that aim to preserve the environment and the country’s natural resources.

“Kaakibat ng aming mandatong proteksyunan ang ating mga komunidad ang pangangalaga sa ating kalikasan. Malaking bagay ang pagkakasabat ng mga taclobo na kabilang sa endangered species sa ating bansa sa ilalim ng Republic Act 10654. Lalo rin natin paiigtingin ang kampanya kontra ilegal na pagtrotroso,” he said.

Eleazar said he has tasked all police offices to strengthen measures against individuals or even groups engaging in activities that violate environmental laws including poaching of endangered species, illegal quarrying and illegal logging.

Mga pulis na ayaw magpabakuna, ililipat ng assignment – PNP chief Carlos

Robie de Guzman   •   December 6, 2021

MANILA, Philippines – Papayagan pa ring magtrabaho ang mga pulis na hindi pa bakunado laban sa COVID-19, ayon sa Philippine National Police (PNP).

Ito ang nilinaw ni PNP chief Police General Dionardo Carlos kasunod ng pahayag ukol sa pagpapatupad ng “no vaccine, no work” policy sa mga tauhan ng pambansang pulisya.

Unang sinabi ng PNP na hindi papayagang pumasok sa trabaho ang mga ‘di bakunadong pulis na walang maipapakitang negatibong resulta ng RT-PCR test kada dalawang linggo.

Sagot rin ng mga nasabing tauhan ang bayad sa COVID-19 testing.

“However kapag sinabi natin they will not go to work it does not mean that they will not be working. They will still deliver the police services needed,“ ang wika ng PNP chief.

Pero sa halip na field work ay ililipat na lang ng assignment ang mga pulis na hindi pa nagpapabakuna upang makaiwas silang mahawa sa COVID-19.

“We will not allow them to be exposed. At the same time kasi kapag unvaccinated sila, ilagay namin sila sa QCP medyo delikado. So we will put them in a place probably take an admin role so they can still do the job for us,” ani Carlos.

Ayon sa hepe ng PNP, hindi maaaring lumiban ang mga hindi pa bakunadong pulis dahil maraming mabinbinbing trabaho.

“So ganun yung aming sistema kasi lugi naman ho ang gobyerno, ang taumbayan kung because it is their choice not to be vaccinated and yet they are not delivering services,” ani Carlos.

Unang sinabi ng PNP na mamarkahan ng absent na ibabawas sa leave credits ang mga tauhan na hindi magsusumite ng RT-PCR test.

Sakali naman naubos na ang kanilang leave credits ay ipatutupad na ng PNP ang “no work, no pay” rule sa mga pulis.

Giit ng PNP, ang pagpapatupad ng “no vaccine, no work” rule ay alinsunod aniya ito sa mga patakarang ipinatutupad ng Inter-Agency Task Force for the Management of Emerging Infectious Diseases (IATF-MEID).

Layunin rin nitong mahikayat ang iba pang tauhan na magpabakuna bilang dagdag proteksyon kontra coronavirus disease.
Base sa datos ng PNP Health Service, nasa 1,808 pang tauhan ang hindi nagpapabakuna laban sa COVID-19.

Sa nasabing bilang, 299 ang nagbigay ng medical reason, 194 ang nagsabing may allergy, 393 ang buntis, 63 ang lactating mother o nagpapasuso, 69 ang nagsabing labag ang pagpapabakuna sa kanilang religious beliefs, siyam ang under quarantine habang ang nalalabing bilang ay walang ibinigay na dahilan. (mula sa ulat ni Correspondent Lea Ylagan)

‘No vaccine, no work’ rule sa mga pulis, ipatutupad ng PNP

Robie de Guzman   •   December 6, 2021

MANILA, Philippines – Magpapatupad na rin ng “no vaccination, no work’ rule ang Philippine National Police (PNP) para sa mga tauhan nito sa gitna ng nagpapatuloy pa ring banta ng COVID-19.

Ayon kay PNP chief Police General Dionardo Carlos, layunin nitong mahikayat ang iba pang tauhan na magpabakuna bilang dagdag proteksyon kontra coronavirus disease.

Alinsunod aniya ito sa mga patakarang ipinatutupad ng Inter-Agency Task Force for the Management of Emerging Infectious Diseases (IATF-MEID).

Sa tala ng PNP, 1% na lang sa kabuuang 222,000 sa kanilang hanay ang hindi pa nababakunahan.

Kabilang na dito ang 965 o 0.43% na walang maibigay na balidong dahilan kung bakit ayaw magpabakuna. Nasa 865 naman ang nagsasabing may allergy o medical condition kaya hindi pa nagpapabakuna.

Ayon kay Carlos, hindi papayagang pumasok sa trabaho ang mga pulis na hindi pa bakunado laban sa COVID-19 maliban na lamang kung may maipapakita silang negatibong resulta ng RT-PCR test tuwing ikalawang linggo.

Sagot ng mga nasabing tauhan ang bayad sa COVID-19 testing.

Gayundin ang magiging patakaran sa mga hindi pa nakakakumpleto ng bakuna o first dose pa lang ang natatanggap.

Babala ng PNP chief, mamarkahan ng absent na ibabawas sa leave credits ang mga tauhan na hindi magsusumite ng RT-PCR test.

Sakali naman naubos na ang kanilang mga leave credits… ipatutupad na ng PNP ang “no work, no pay” rule sa mga pulis.

Giit ni Carlos, mahalagang bakunado ang lahat ng tauhan ng PNP dahil kabilang sila sa mga frontliners at upang magkaroon sila ng dagdag na proteksyon laban sa virus.

Dapat din aniyang maging halimbawa ang PNP sa pagsunod sa mga patakaran ng IATF bilang tagapagpatupad nito. (mula sa ulat ni Correspondent Lea Ylagan)

Aplikasyon para sa exemption sa election gun ban at security detail recall, simula na sa Dec. 1

Robie de Guzman   •   December 1, 2021

MANILA, Philippines — Simula Miyerkules, Disyembre 1, ay tatanggap na ng aplikasyon ang Philippine National Police (PNP) at Commission on Elections para sa exemption sa gun ban at security detail recall kaugnay ng 2022 elections.

Ayon kay PNP spokesperson Police Colonel Augustus Alba, tatagal hanggang Mayo 25 ang application period.

Batay sa Comelec Resolution 10728, ipinagbabawal ang pagdadala ng baril kapag nagsimula na ang election period sa Enero 9 hanggang Hunyo 8, 2022.

Kailangan ding i-recall ang lahat ng security detail na dineploy ng Police Security and Protection Group sa mga pulitiko, opisyal ng pamahalaan at pribadong indibiduwal.

 Tanging ang mga may pahintulot lamang ng Comelec ang bibigyan ng bantay.

Exempted sa recall ng security detail ang Presidente, Bise Presidente, Senate President, House Speaker, Supreme Court Chief Justice, AFP chief of staff at major service commanders, COMELEC chairman, mga kalihim ng Department of National Defense at ng Interior and Local Government, at senior officers ng PNP.

Ang mga ire- recall na security detail o protection security personnel ay isasalang naman sa VIP security and protection refresher course.

Sa lahat ng interesado ay maaaring mag-apply online sa official website ng COMELEC.

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.