5,000 pampasaherong jeep sa Metro Manila, posibleng payagang pumasada simula June 30 – LTFRB

Robie de Guzman   •   June 17, 2020   •   2172

MANILA, Philippines – Aabot sa 5,000 pampasaherong jeep sa Metro Manila ang posibleng payagang muling pumasada simula sa Hunyo 30, ayon sa Land Transportation Franchising and Regulatory Board (LTFRB).

Ayon kay LTFRB chairman Martin Delgra III, isinasapinal na nila ang mga panuntunan para sa 104 rationalized routes ng public utility jeepneys (PUJ) sa National Capital Region.

Aniya, maaaring mailabas ito sa mga susunod na araw.

“We’re looking at on or before the end of the month because y’ong routes po, na-identify na; y’ong numero po, na-identify na. The basic principle here really is we need to have connectivity between the rail, the bus and the jeepneys po,” ani Delgra.

Apela naman ng transport group na Pinagkaisahang Samahan ng mga Tsuper at Operator Nationwide (PISTON), sana ay pinayagan na ring bumiyahe ang mga jeep kasabay ng paglipat sa Metro Manila sa general community quarantine dahil pinahintulutan na rin naman ang pagpasok sa trabaho ng ilang manggagawa.

Ayon kay George San Mateo, ang president emeritus ng PISTON, maraming tsuper ang napilitang mamalimos sa gitna ng quarantine dahil sa kawalan ng kita.

“So, ang epekto nito ay lalong nalulubog y’ong kabuhayan ng ating mga jeepney driver at maliliit na operator lalo pa tatlong buwan na silang walang kabuhayan,” ani San Mateo.

At the same time, nagdurusa din y’ong ating mga kababayang mananakay lalo na ang mga manggagawa dahil pinagkakaitan sila ng pamahalaan ng mga masasakyang public transport,” dagdag pa niya.

Samantala, tiniyak ni Delgra na tuloy na rin sa June 22 ang pagbabalik-operasyon ng modern jeepneys, provincial buses at UV Express Units.

Una nang sinabi ng Department of Transportation (DOTr) na gradual ang pagbabalik-operasyon ng pampublikong transportasyon sa Metro Manila at gagawin ito sa dalawang bahagi.

Sa phase 1, papayagan ang mga tren, bus augmentation, taxi, transport network vehicle service, shuttle service, point-to-point buses at mga bisikleta simula June 1-21 habang phase 2 naman ang public utility buses, modern jeepneys, at UV express simula sa June 22-30.

Ngunit paalala ng ahensya, limitado lang ang bilang ng mga pasaherong maaaring isakay upang mapanatili ang physical distancing at iba pang health protocols. – RRD (mula sa ulat ni Correspondent Asher Cadapan Jr.)

Manila City allows walk-ins in all vaccination sites

Aileen Cerrudo   •   June 21, 2021

MANILA Philippines — The Manila City Government on Monday (June 21) now allow walk-ins in all vaccination sites.

According to Manila Public Information Office (MPIO), the directive of Manila Mayor Isko Moreno was after having a low turnout in vaccination sites. The mayor said he directed not to allow walk-ins in order to prove to critics the effect if the system would only be done through scheduling.

“I’m not a believer of scheduling but we tried it today para doon sa mga may mema, iyong  may masabi lang ang naggagaling-galingan lang (for those who just wanted to complain),” he said.

The Manila local government reported that only 4,210 doses were administered on Monday (June 21) from the 28,000 allocated doses. AAC

70-M vaccination target maaabot sa pagdating ng dagdag na COVID-19 vaccine supply – Malakanyang

Robie de Guzman   •   June 21, 2021

MANILA, Philippines — Naniniwala ang pamahalaan na maaabot ng bansa ang target nitong mabakunahan ang nasa 70 milyong adult population bago matapos ang taon dahil sa inaasahang delivery ng dagdag na supply ng Pfizer at iba pang COVID-19 vaccine brands.

Ayon kay Presidential spokesperson Harry Roque, nakapag-secure na ang pamahalaan ng 40 milyong dose ng bakuna mula sa Pfizer bukod pa sa inaasahang delivery ng iba pang COVID-19 vaccine brand sa mga susunod na buwan.

Sa ulat ng National Task Force against COVID-19, bukod sa Pfizer vaccines ay 26 milyon pa ang inaasahang supply mula sa Sinovac, 10 milyon ang Sputnik V mula sa Gamaleya Research Institute, 20 milyon mula sa Moderna, at 17 milyon mula sa AstraZeneca. May parating ding donasyon na 1 milyong Sinovac at 44 milyon ng COVID-19 vaccine mula sa COVAX facility.

“Sumatotal, ngayong mayroon tayong inaasahan na 158 million doses, sapat-sapat na po para sa kabuuan ng ating populasyon,” ani Roque.

Ngayong may malaking supply na inaasahan ang bansa, kampante ang pamahalaan na mababakunahan ang mayorya ng populasyon sa bansa bago matapos ang 2021.

“Kung 500,000 per day po yan, 10 days is 5 million. So kinakailangan lang po natin 20 days para po maubos yung first dose ng dumating na 40 million na Pfizer,” ang wika ni Roque.

Sa ngayon ay nasa 8.40 milyong doses na ng COVID-109 vaccine ang nai-administer sa bansa.

Noong June 15 naman ay naitala ang pinakamataas na vaccination rate sa Pilipinas sa loob ng isang araw na umanot sa 322,929 doses. – RRD (mula sa ulat ni Correspondent Rosalie Coz)

Pagbabantay sa PH borders, mas hihigpitan vs COVID-19 Delta variant — DOH

Robie de Guzman   •   June 21, 2021

MANILA, Philippines — Mas hihigpitan pa ang gagawing pagbabantay sa lahat ng border sa bansa, mula sa mga paliparan, pantalan hanggang sa mga boundary ng bawat lugar sa Pilipinas, ayon sa Department of Health (DOH).

Ayon kay Health Undersecretary Maria Rosario Vergeire, naabisuhan na ang lahat ng lokal na pamahalaan para sa paghihigpit sa kani-kanilang mga border upang mapigilan ang pagkalat ng Delta variant, isang uri ng COVID-19 na mas nakakakahawa kumpara sa ibang variant.

“Nasa heightened alert po lahat. Lahat ng local governments were informed, lahat po ng mga regional offices were informed na kailangan bantayan maigi ang Delta Variant across our borders,” ani Vergeire.

Ayon sa opisyal, mas paiigtingin pa ng pamahalaan ang pagpapatupad ng COVID-19 testing at quarantine protocols, at contact tracing pati na ang pagpapalawig sa entry ban sa mga magmumula sa bansang India, United Arab Emirates, Oman, Pakistan, Bangladesh, Sri Lanka, at Nepal hanggang June 30.

“We are going to uphold the directive of the IATF as well as the Office of the President. This is because we want to prevent further entry of this Delta Variant,” ani Vergeire.

“We cannot have non-uniformity in the implementation of our border control. So iyan po napag-usapan, napagkasunduan, nakausap na rin po ang mga officials, regional directors ng iba’t ibang ahensya last Saturday,” dagdag pa niya.

Ang mas mahigpit na border control sa Pilipinas ay kasunod ng pahayag ng World Health Organization na ang Delta variant na ang dominant variant ng COVID-19 matapos itong mapaulat sa mahigit 80 bansa.

Ang Delta variant ay unang natuklasan sa bansang India.

Sa Pilipinas, 17 na ang kabuuang kaso ng Delta COVID-19 variant matapos itong madagdagan nang magpositibo sa naturang variant ang apat na returning overseas Filipino mula sa South Korea at Saudi Arabia.

Iniulat din ng DOH na 14 na dagdag na kaso ng Alpha variant (United Kingdom), at 21 Beta variant (South Africa) ang naitala sa bansa batay sa ulat ng Philippine Genome Center at ng UP-National Institutes of Health ngayong Lunes.

Ayon sa DOH, lubhang nakababahala kapag lalo pang kumalat sa bansa ang mga variant na ito, lalo na ang Delta variant, dahil mataas ang tiyansang maospital ang isang individwal na kakapitan nito.

“Walang sinabi sa mga ebidensyang nakalap natin, even our experts are saying, walang sinabi na deadly pero sinabi na mas nakakahawa talaga siya,” ani Vergeire.

“Ang delta variant is 60% more transmissible than the Alpha variant. So, ibig sabihin po kung ang alpha variant ay nakapanghahawa ng 4-5 tao per every individual infected, ang Delta Variant po can have 8 individual infected sa isang taong may sakit. So ganoon kabilis ang pagkakahawa kapag Delta Variant ang pinag-uusapan,” dagdag pa niya.

Muli ring paalala ng DOH sa publiko na mag-doble ingat at sundin ang ipinatutupad na health protocols kontra COVID-19. – RRD (mula sa ulat ni Correspondent Aiko Miguel)

REACH US

The Philippine Broadcast Hub

UNTV, 915 Barangay Philam,

EDSA, Quezon City M.M. 1104

(+632) 8396-8688 (Tel)

info@untv-newsandrescue.com (General inquiries)

ABOUT UNTV

UNTV is a major TV broadcast network with 24-hour programming. An Ultra High Frequency station with strong brand content that appeal to everyone, UNTV is one of the most trusted and successful Philippine networks that guarantees wholesome and quality viewing experience.