Currency
    Emergency Hotlines: LANDLINE (+63) 2 911 – 8688

    2 Pinoy Cameramen na Binihag ng Abu Sayyaf sa Sulu, Pinalaya na

    by UNTV News   |   Posted on Monday, February 4th, 2013

    Ang mga bihag na cameraman na pinakawalan Abu Sayyaf na sina Buboy Letrero at Romelito Vela na kasama ng Jordanian Journalist na si Baker Atyani. (UNTV News)

    Ang mga bihag na cameraman na pinakawalan Abu Sayyaf na sina Buboy Letrero at Romelito Vela na kasama ng Jordanian Journalist na si Baker Atyani. (UNTV News)

    ZAMBOANGA CITY, Philippines – Pinalaya na nitong Linggo ng umaga ang dalawang Pilipinong cameraman na umano’y walong buwang binihag ng grupong Abu Sayyaf.

    Bandang alas-7 kagabi nang dumaong sa Ens Majini Pier ng Romulo Espaldon Naval Station ang isang multi-purpose attack craft boat sakay ang mga cameraman na sina Romelito Vela at Buboy Letrero na parehong mga taga-Bicol, Camarines Sur.

    Magugunitang kasama noon ang dalawang cameraman ng Jordanian journalist na si Baker Atyani na unang napaulat na binihag noong Hunyo 11, 2012 sa lalawigan ng Sulu.

    Hindi pa malinaw sa ngayon kung bakit pinalaya ang mga ito at kung may nagbayad ng ransom sa bandido.

    Agad namang idiniretso ang mga biktima sa Camp Navarro General Hospital (CNGH) upang matingnan ang kalagayan ng mga ito.

    Ayon kay Lt. Col. Roberto Calupitan ng CNGH, walang tinamong major injury ang mga biktima maliban sa iniindang pananakit ng likod ni Romelito Vela.

    “Of course both of them are suffering from moderate dehydration, tapos pagod na rin sa biyahe. Vela is almost 39 to 40 years old so he’s complaining with a low back pain, secondary sa biyahe yun pero he’s been experiencing weakness of low extremities for the past three months.

    Ayon kay Vela at Letrero, limang araw lamang nilang nakasama ang Jordanian na si Atyani sa kuta ng Abu Sayyaf at pagkatapos ay hindi na nila ito nakita.

    Hanggang ngayon ay wala pa ring ulat tungkol kay Atyani at kung kailan ito posibleng palayain ng bandidong grupo.

    “According to them five days after na ma abduct sila, they did not see Atyani anymore,” pahayag ni Task Force Sulu Commander Col. Orlando De Leon.

    Ayon kay Calupitan, ngayong araw ay posibleng ibyahe na papuntang Maynila ang dalawa upang lalo pang masuri ang kanilang kalagayan bago ito tuluyang iuwi sa kanilang pamilya sa Bicol.

    “Yes there’s no immediate authentication for them not to travel by air. Yun ang suggestion namin, we will be writing that down in our narrative summary and if there are doctors to see him there in Manila.” (Denry Lopez & Ruth Navales, UNTV News)

    Tags: , , , , , , ,

    Leave a Reply

    Time limit is exhausted. Please reload CAPTCHA.

    Pinalayang Jordanian journalist, sumailalim sa stress debriefing

    by UNTV News   |   Posted on Thursday, December 5th, 2013

    Ang pinalayang Jordanian journalist na si Baker Atyani na naging bihag ng Abu Sayyaf. (PNP-Sulu)

    Ang pinalayang Jordanian journalist na si Baker Atyani na naging bihag ng Abu Sayyaf. (PNP-Sulu)

    MANILA, Philippines — Sumasailalim na sa debriefing ng pulisya ang pinalayang Jordanian journalist na si Baker Atyani matapos ang 18 buwang pagkakabihag ng Abu Sayyaf Group (ASG).

    Miyerkules ng gabi nang makuha ng mga awtoridad si Atyani sa Patikul, Sulu. Nakatakda ding dalhin sa Metro Manila si Atyani matapos ang debriefing sa kaniya.

    Ayon kay Defense Secretary Voltaire Gazmin, isang magandang balita ang nangyaring pagpapalaya sa dayuhang mamamahayag.

    “Good news for us, kahit paano kumakaunti na ang bilang na nasa kanila,” anang kalihim.

    Dagdag pa nito, hindi pa tukoy kung may nangyari ngang bayaran ng ransom kapalit ng kalayaan ni Atyani subalit nanindigan ito sa ipinatutupad ng gobyerno na “no ransom policy”.

    Sa kabila ng pagpapalaya sa Jordanian journalist, sinabi pa ni Gazmin na marami pa rin ang bihag ng Abu Sayyaf.

    Kabilang sa mga hawak pang bihag ng bandidong grupo ang dalawang European bird watchers.

    “Last week talk, there are 20 meron pang 17 natitira,” dagdag pa ni Gazmin.

    Samantala, nakatakdang magtungo ng Mindanao si Gazmin para i-convene ang peace and order council doon. (Victor Cosare / Ruth Navales, UNTV News)

    Tags: , , , , ,

    Sagupaan ng militar at MNLF, muling sumiklab sa Sta. Barbara, Zamboanga City

    by UNTV News   |   Posted on Tuesday, September 10th, 2013

    A handout photo dated and released by Philippine Information Agency-Western Mindanao on 10 September 2013 shows a fire at Sta.  Barbara township,  Zamboanga City.

    A handout photo dated and released by Philippine Information Agency-Western Mindanao on 10 September 2013 shows a fire at Sta.
    Barbara township, Zamboanga City.

    ZAMBOANGA CITY, Philippines — (Update) Muling tumaas ang tensyon sa Zamboanga dahil sa sunog na naganap sa limang bahay sa Brgy. Sta. Barbara, Martes.

    Ayon sa lokal na pamahalaan ng Zamboanga City, ang mga mortars na pinaputok ng Moro National Liberation Front (MNLF) ang sanhi ng sunog.

    Hindi naman makapasok ang mga fire truck upang apulahin ang sunog dahil walang order ang Philippine Army kung maari nang pumasok sa lugar ng sunog.

    Samantala, dumating na kaninang umaga sa Edwin Andrews Airbase ang karagdagang pwersa mula sa hanay ng militar, pulis at navy.

    Nanawagan naman ang Zamboanga PNP sa mga mamamayan na kaagad i-report sa mga numerong 117 / 166 / 0906-368-0749 sakaling may makitang miyembro ng MNLF sa kanilang lugar.

    Pinapayuhan rin ang mga residente na manatili na lamang sa kanilang mga tahanan upang matiyak ang kanilang kaligtasan. (Denry Lopez / Ruth Navales, UNTV News)

    Tags: , , , , , ,

    Bilang ng mga nasawi sa kaguluhan sa Zamboanga, umakyat na sa 6; sugatan 24

    by UNTV News   |   Posted on Monday, September 9th, 2013

    Kabilang ang sundalong ito sa mga nasugatan sa nagaganap ng sagupaan sa pagitan ng militar at ng Moro National Liberation Front sa Zamboanga City nitong Lunes, September 09, 2013. (Philippine Information Agency)

    Kabilang ang sundalong ito sa mga nasugatan sa nagaganap ng sagupaan sa pagitan ng pwersa ng militar at ng Moro National Liberation Front sa Zamboanga City nitong Lunes, September 09, 2013. (Philippine Information Agency)

    ZAMBOANGA CITY, Philippines — (Update) Umakyat na sa 6 ang bilang ng mga nasawi habang 24 ang sugatan sa nangyayaring kaguluhan sa pagitan ng militar at Moro National Liberation Front (MNLF) sa siyudad ng Zamboanga.

    Kabilang sa mga nasawi ang isang pulis, isang Navy personnel at 4 na sibilyan.

    Umabot na rin sa 220 ang hostages.

    Ilan sa mga hiningi ng MNLF bago mag-alas-6 nitong gabi ang mga sumusunod:

    1. Lugar na mapagpapahingan kasama ang mga hostages.

    2. Bigyan sila ng daan upang makapagmartsa papunta sa city proper upang makapagtayo ng kanilang bandera.

    3. 1 on 1 meeting kay Mayor Beng Climaco.

    Samantala, patuloy pa rin ang rescue operations ng mga awtoridad sa mga sibilyan sa mga kalapit na barangay na apektado ng kaguluhan.

    Pinapayuhan ng mga awtoridad ang publiko na maging maingat at maghanda ng tubig, flashlight, kandila, mga pagkain at iba pang kakailanganin pagsapit ng gabi.

    Sa kasalukuyan ay mahigit isanlibo na ang mga evacuee na nasa grandstand.

    Nanawagan naman ang lokal na pamahalaan ng Zamboanga sa mga nais magdonate ng relief goods upang matugunan ang pangangailangan ng ating mga kababayan. (Denry Lopez / Ruth Navales, UNTV News)

    Tags: , , , ,