UNTV News and Rescue

Patuloy na binabantayan ng mga awtoridad ang water level ng Angat Dam sa Bulacan, lalo na sa banta ng inaasahang epekto ng Super El Niño.

Kasalukuyang nasa mahigit 208 meters ang water level ng Angat Dam, ngunit target pa rin ng mga awtoridad na mapataas ito bago sumapit ang mas tuyong panahon.

Sasalang din sa budget debates ng plenaryo ng House of Representatives ngayong araw ang panukalang pondo ng Department of Energy at Department of Transportation.

Inaasahang tatalakayin dito ang mga pangunahing isyu, kabilang ang patuloy na pagtaas ng presyo ng mga produktong petrolyo.

Idineklara ng Malacañang bilang non-working days sa National Capital Region ang November 16 hanggang 18, 2026, kaugnay ng idaraos na 49th Association of Southeast Asian Nations o ASEAN Summit and Related Summits.

Humarap ngayong araw, September 23, sa Sandiganbayan Fifth Division si Department of Public Works and Highways Secretary Vince Dizon.

Ito ay upang muling tumestigo laban kay dating Congressman Zaldy Co.

Wala pang pinal na desisyon ang Austria kaugnay sa asylum application ni dating presidential spokesperson Harry Roque.

Ayon kay Department of the Interior and Local Government Sec. Jonvic Remulla, hindi pa ito approved o denied sa kasalukuyan.