UNTV News and Rescue

Napilitang bumalik sa Saudi Arabia ang isang FlyDubai flight na patungo sana sa Israel matapos umanong saksakin ng co-pilot ang kapwa nito piloto at tangkaing ibagsak ang eroplano.

Itinuturing ng Israel ang insidente bilang posibleng tangkang terror attack, habang sinabi naman ng airline na hindi pa malinaw ang dahilan ng insidente.

Mataas pa rin ang morale ng mga sundalong nagbabantay sa BRP Sierra Madre sa kabila ng pagkaudlot ng rotation and re-supply o RoRe mission noong nakaraang linggo dahil sa paglapit ng mga barko ng China Coast Guard at PLA Navy sa Ayungin Shoal.

Ayon sa AFP, sapat pa ang supplies ng mga sundalo at patuloy ang paghahanda para sa susunod na RoRe mission.

Pinalalakas na ng Department of the Interior and Local Government at Philippine National Police ang kanilang intelligence gathering laban sa criminal gang na True Brown Style (TBS).

Ang grupo umano ang nagre-recruit ng mga kabataan sa mga barangay sa bansa upang maging mga kriminal.

“Walang makapigil at tuloy lamang ang impeachment trial.”

Ito ang naging komento ng ilang senador matapos hindi pagbigyan ng Korte Suprema ang mga petisyong kumukuwestiyon sa legalidad ng bagong voting threshold sa impeachment trial ni Vice President Sara Duterte.

Ikinatuwa ng House prosecution team ang pagsasantabi ng Korte Suprema sa mga petisyong kumukuwestiyon sa interpretasyon ng Senate impeachment court sa kinakailangang two-thirds na boto para sa impeachment trial ni Vice President Sara Duterte.

Nangangahulugan itong magpapatuloy ang proseso ng pagdinig sa Articles of Impeachment laban sa bise presidente.