UNTV News and Rescue

Iginiit ni Defense Secretary Gilberto Teodoro na China ang nanggugulo sa rehiyon, hindi ang Pilipinas, sa gitna ng tumitinding tensyon sa West Philippine Sea at mga paratang ng Beijing laban sa bansa.

‍

Nakatutok na ang Senado sa pagtalakay sa panukalang pambansang budget para sa susunod na taon kasunod ng pansamantalang pagpapaliban sa impeachment trial.

Ayon kay Sen. JV Ejercito, isasapubliko sa pamamagitan ng live streaming ang bicameral conference committee deliberations sa budget upang mapanood ng publiko ang proseso.

‍

Lalong tumitindi ang palitan ng pag-atake sa pagitan ng Saudi coalition at mga rebeldeng Houthi sa Yemen.

Nakapagtala na ng malalaking pinsala ang magkabilang panig, ngunit kapwa muling nagbanta ng mga susunod na pag-atake.

‍

Sugatan ang isang motorcycle rider matapos sumalpok sa SUV sa Quezon City dahil sa sobrang antok.

Samantala, nasugatan din ang isang bumberong rumesponde sa sunog sa Marikina City.

Kapwa nilapatan ng paunang lunas ng UNTV News and Rescue Team ang mga biktima.

‍

Inihahanda na ng Sandiganbayan ang pagdinig sa hiling na makapagpiyansa ni dating Sen. Jinggoy Estrada at iba pang kapwa akusado sa flood control scandal.

Ayon sa prosekusyon, kabilang sa mga haharap na testigo si dating Public Works Secretary Manuel Bonoan, na dati ring kapwa akusado sa kaso.

‍