Panganay na anak ni Sylvester Stallone, natagpuang patay sa kaniyang tahanan

FILE PHOTO: Sage Stallone (Wikipedia)

HOLLYWOOD, California, USA – Natagpuang patay sa sariling bahay ang panganay na anak ng Hollywood action star na si Sylvester Stallone noong Biyernes.

Bagama’t hindi pa lumalabas ang resulta ng otopsiya, maugong ang balita na may kinalaman sa ipinagbabawal na gamot ang dahilan ng pagkasawi ni Sage Stallone, 36.

Pero kwento ng kaibigan ni Sage na si Braunstein,  mahilig lamang uminom ng soda ang kaniyang kaibigan pero hindi ito gumagamit ng droga at hindi rin ito mahilig lumabas ng bahay.

Nagpahayag naman ng saloobin si Sylvester Stallone kaugnay sa isyung may kinalaman sa droga ang dahilan ng pagkasawi ng kaniyang anak.

“This is in reference to the speculation and questionable reporting surrounding the death of my son Sage. Because when a parent loses a child there is no greater pain. Therefore I am imploring people to respect my wonderfully talented son’s memory and feel compassion for his loving mother Sasha, because this agonizing loss will be felt for the rest of our lives. Sage was our first child and the center of our universe and I am humbly begging for all to have my son’s memory and soul left in peace.”

Ayon sa Los Angeles County Coroner’s office na nagsagawa ng otopsiya sa katawan ng binata, hindi pa sila maaring maglabas ng preliminary findings dahil na rin sa kahilingan ng Los Angeles Police Department (LAPD), na nagsasagawa din ng sariling imbestigasyon.

“It could take six weeks for toxicology tests, which would show if drug use was involved, to be completed by the coroner’s lab,” pahayag ng tagapagsalita ng Los Angeles County Coroner’s office. (UNTV News)