Tumaas ng animnapung porsiyento (60%) ang bilang ng mga naitalang sunog, dalawang linggo pagpasok ng Fire Prevention Month.

Ayon kay Bureau of Fire Protection Director Senior Superintendent Pablito Cordeta, umaabot na sa limampu ang sunog na naitala sa Metro Manila ngayong Marso, kumpara sa labing siyam na kaso noong nakaraang taon.

Pormal nang nanungkulan si Major General Reynaldo Mapagu bilang bagong commanding general ng Philippine Army kapalit ni AFP Chief of Staff General Delfin Bangit. …read more »

Muling naranasan ang rotating brownout sa Metro Manila at ilang karatig lalawigan ngayong araw.

Ayon kay Meralco External Communications Spokesperson Dina Lomotan, naganap ang rotating brownout sa pagitan ng alas-9 ng umaga at alas-4 ng hapon kanina at mauulit alas-6 hanggang alas-7 ng gabi.

Kasabay ng nararanasang El Niño, nakaranas naman ng pag-ulan kanina ang Bicol Region at ilang bahagi ng Southern Tagalog kasama na ang Metro Manila.

Paliwanag ng PAGASA, ang naranasang pag-ulan ay dahil sa 'weather system' o ang pagsasanib ng malamig na hangin mula sa China at Siberia at mainit na hanging Pasipiko mula sa Pilipinas.

Ipinagpaliban ni Judge Alexander Balut ng Quezon City Regional Trial Court Branch 76 ang paglilitis sa kaso ni Jason Ivler.

Ito’y sa kabila ng pakiusap ng prosekusyon na ilipat na sa kostudiya ng NBI ang suspek dahil nasa mabuti na itong kondisyon.

Kinokonsidera ng Department of Agriculture (DA) ang pagsasagawa ng cloud-seeding sa Metro Manila matapos maranasan ang dalawang araw nang maulap na papawirin.

Ayon sa Department of Agriculture, target nilang mapaulan sa bahaging malapit sa La Mesa Dam upang madagdagan ang level ng tubig.

NEW YORK- Si Mexican tycoon Carlos Slim na ang pinakamayaman na nabubuhay sa mundo, matapos na talunin nito si Microsoft founder Bill Gates na nasa pumangalawa na lang Carlos, lumago ang yaman ng mga bilyonaryong tao sa mundo ng 50 percent sa loob ng nang nakaraang taon ayon sa Forbes Magazine.

Pangalawang beses na nasa ikalawang posisyon si Gates mula pa noong 1995, at agawin ang korona nito sa pinakamayaman sa mundo, ayon sa prestihiyosong magazine, umaabot ang yaman ni Slim ng $53.5 billion kumpara sa yaman lang ni Gates na $53 billion, habang ang investor naman na si Warren Buffet ay pumangatlo na may yaman na $47 billion.