Minimum Height Requirement Sa Mga Aplikante ng PMA, Binabaan

FILE PHOTO: PMA Commencement Exercise 2010 – Class Masidlak (Photo Credit: www.pma.ph)

BAGUIO CITY, Philippines – Binago   ng Philippine Military Academy (PMA) ang minimum height requirement sa mga aplikante.

Ayon kay PMA Public Affairs Office Chief Captain Lineth Flores, 5 feet ang minimum height requirement para sa mga lalaki at babae.

Ang dating height requirement sa lalake ay 5’4 at sa babae naman ay 5’2.

Sinabi  ni Flores na ginawa ang pagbaba sa height requirement dahil marami sana ang qualified pero bumabagsak pagdating sa height requirement.

Ayon pa kay Flores, maaari na ulit mag-file ng application ang mga dating hindi nakapasa sa height requirement at hindi pa over-age.

Sa Agosto 26, gaganapin ang PMA Entrance Examination sa buong bansa.

Sa mga interesado, maaaring mag-apply on-line sa www.pma.ph i-download lamang ang application form at isumite kasama ang birth certificate sa tanggapan ng PMA. (UNTV News)

Image credit: PMA